REX TILLERSON CHU U.S SECRETARY OF STATE A NI TA.

US Secretary of State
Trumpa’n hma a la zel.

Kum 64-a upa, Former Exxonmobil CEO, Rex Tillerson chu President Trump-a hnuaiah U.S Secretary of State atan pawm fel niin, tukin zing (an ni tan Wednesday tlai) khan White House-ah Vice President Mike Pencea’n thutiam lak tirin lak luh a ni.

Mr. President hian, “Khawvel ram dangte nena kan inlaichinna fiah taka en hun a ni ta” tiin White house-a Rex lak luhna hunah hian a sawi. Mr. Trump chuan, “Kan zavaia kan tanrual a, inhriatthiamna kan neih chuan chuan vawiina kan hmuh ang hian Khawvelah buaina a tlem ang” tiin a sawi bawk. Ti hian Trump’s National Security chu mi pakhatin a belh ve leh ta a ni.

Former Exxonmobil CEO Rex Tillerson hian Senator’s vote 56-43 a hmu a ni. Republicans te hian an vote vek a, Democrats ho hian a duh lo zawngin an vote ve thung. Democrats senators pathum- Joe Manchin of West Virginia, Heidi Heitkamp of Noth Dakota leh Wark of Virginia te chuan Tillerson duh zawngin vote an thlak a, Independent senators te chuan Tillerson hi an thlawp bawk a, Angus King of Maine, Democrats thlawptu pawhin Mr. Rex hi thawlp bawk a ni.

Tennessee Republican, Senate Foreign Relation CommitteeChairman ni bawk chuan, “Rex Tillerson hi U.S State Department tana hruaitu tha leh Rintlak tak a ni ang tih ka chiang a ni— Khawvel huapa sumdawnna nei leh thawktu 75000 chuang a enkawl dawn a ni a, U.S enkawltu/hruaitu dinhmin khirhzia leh hahthlakzia a hre chho zel dawn a ni” tiin a sawi a ni. “U.S leh America himna tur atan inppekna thuk tak a nei a, U.S thiante nena inpumkhatna tha a awm theihna turin a thawh tur thu a sawi bawk a ni.

Rex Tillerson hian Mr. Trumpa’n thil tam tak a sawi nghin tawh, U.S sawrkar executive agency upa ber, kum 1789-a din tawh chu a khalhtu tur a ni ta a ni. European Union president chuan Tuesday khan, “Trump administration hi tunah chuan “Tihthaihtu” niin a sawi a, a ni reng lah tak a, Mr. Turmp hian, “NATO chu “hnâwlhnu” a ti rêng a ni.

Mr. Trump hian Brexit chu fakin ram dangte pawh European Union chhuahsan a beisei thu a sawi bawk.

Rex Tillerson hian Asia relation pawh a ngaihtuah ngun a ngai hle ang. South Korea leh Japan te chuan Trans-Pacific Partnership a chhuasan ta si a. He ti chung hian heng ramte hian Mr. Trump nena ram venhimna lamah thawhho ti thar leh an duh si a, heng zawng zawng hi Mr. Rex-a hmalakna tur a ni ang.

Nilaini vek hian CIA former Director David Petraeus chuan, “America hian tuna khawvel tana grant awmte hi a la lo tur a ni lo” tiin House Armed Service Committee a hrilh nia sawi a ni. “Amah leh amah inchawm tur leh intum tura thei lo, a ram chhung hausakna atang ni loin, kan siam leh kan pui,– heng hi kan ti tawp chuan a nei tlem ngawt ang, a hnua tluk chhiat a ni mai. Hei hi vanduaina thenkhat kan neih atanga ka hrilh suh chu a ni.” tiin Russia chung chang a sawi a ni.

Senator Chris Murphy chuan,”U.S ram pum hlawkna dodal tur zawng a thawhna hmun leh Exxonmobil a enkawl ang hian Rex Tillerson hian U.S State Department hi a enkawl ang tih kan hlau a ni” tiin a sawi a ni. Mr. Murphy hian “President tlang taka Human right nuihzat nana siamtu, dictator thlawptu, Secretary of State sumdawnna atan hlawkna tura human right bawhchetu kan nei a ni” a ti bawk.

Mr. Tillerson hian khawvel ram dangte nena an inlaichinna, an inhuatna, an buaina, thil dang tam tak, President Trumpa hnuaiah a fawng chelhin hma a la dawn a ni a. Mi buai tak chu a ni ve ngei ang.

Author : Tluangtea Ralte Lutmang
2nd Feb. 2017


Advertisements
Aside | This entry was posted in World News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s