US-IN IRAN HUN LEH NI AN CHHIAR MEK ! INDONA A CHHUAK MAI DAWNIN AN HRIA: IRAN LO INRING RU!

Iran a tawng huai.
USA in Iran a vau.

Tunkar Sunday a Iran-in ballistc missilea test leh Yemen rama US thawhpui Saudi Arabia indo thlawhna Houthis helten an beih vangin, US chu a thinrim hle a, niminah a vawikhatna atan mipui hmaa inlan US National Security Adviser Gen. Michael Flynn chuan White House-ah, “Iran thiltih dan chu official takin kan chhinchhiah a ni. Hetianga Iran chet dan hi Middle East region a muanna tiderthawng thei a ni” a ti.

White House Press Secy Sean Spicer pawhin, “Iran thiltih dan hi ui tuilian thlir liam mai mai kan tum dawn lova. An thiltih chu thu chunga en liam ringawt kan tum lo” a ti bawk. US Ambassador to UN Nikki Haley pawhin, UN Security Council ah Iran vauna thu hi a lo chhak chhuak tawh bawk. Expert thenkhat chuan indona chhuah theihna thil (could stumble into war) tiin, an comment hial tawh a ni.

US National Security Adviser Gen. Michael Flynn chuan,”Iran thiltih dan hian UN Resolution no.2231 a bawhchhia a, Obama Admin te kha Iran lakah an dawih lutuk a, an nem lutuk thin. He UN Resolution hian ballistic missile ang chi leh nuclear weapons pai thei tur ang chi missile test a khap a; khatiang Iran nuclear deal ah khan US lakah lawmthu sawi tur a nih laiin, ama duh thu thuin thil a kal pui a. Vawiinah chuan, Iran chu official takin kan chhinchhiah mek a ni” a ti mai.

White House official pakhat chuan, “Tunah Trump Admin chu kar hnihna chauh a la ni a, thil tih rum rum theih a ni lova, mahse, dan ang takin (appropriate action) hmalak a ni ang” a ti bawk. White House lam hi military action la turinan thukhawm laih laih tawh niin a lang.

US Central Command-Middle East bial viltu lam pawhin Pentagon atangin leh White House atanga thuchhuah (statement) an dawn tawh thu sawiin, Defense Secy Gen. James “Mad Dog” Mattis pawhin a biak tawh thu an sawi a, mahse, Mattis hian tunkarah Asia ram fangin South Korea leh Japan a tlawh rih vangin, engmah thuchiang erawh puan a ni lo.

Al Vaez, Iran expert@ International Crisis Group chuan,”Aghan leh Iraqi chunga thil thleng ang a thleng ve thei a ni” a ti. Campaign laiin Trump, Flynn leh Mattis te hian Iran luhlul chhuah fo chu velh rawn an lo sawi zauh zauh tawh thin a nih kha. Defense Secy Mattis hian Saudi Defense Minister Prince Mohammed bin Salman chu telephone in a be bawk a ni. Enge an sawi erawh puan a ni lo. Middle East boruak khu a lum ru up up ni berin a lang.

Michael Flynn hian head of Defense International Agency anih laiin, kum 2012a Benghazi, Libya hmuna American diplomat leh thawktu 4 thahna kha Iran tih niin an sawi vangin, finfiahna zawng turin thupek a chhuah a, direct tak erawh chuan Iran hi a inrawlhlo tih an hmuchhuak a, mahse, Iran tanpui Houthis hel pawl, Ansar al-Sharia pawl thiltih a ni, an ti. He thu hi New York Times chuan ziakin, finfiah chiang tak an hmu lo. Lo hmu ta sela chuan Iran chuan a thiltih man chawpchilhin a hmu ngei ang!

Yemen ramah President paithlak Ali Abdullah Saleh thlawptu Houthis hnam leh tuna roreltu President Abdel Radbo Mansour Hedi te inkara buaina kal zelah mi 10,000 chuang an thi tawh a, Houthis helte hi Saudi chuan beiin, airstrike vangin schools, hospital leh non-military sites ah bomb an thlak fo vangin, war crime pek theih turin kal pui mek a ni. Muslim leh Muslim ram hi an inngeih lo hlawm hle si a, chu chuan ram dang a kangkai ta thin a ni.

Author : Ct Lalrinawma
Feb. 2, 2017

Advertisements

About Mizo Archive

I'm the one who collect the best writings of Mizos
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s