AMC COMMISSONER SAWN CHHUAH A NIH HMA CHU A OFFICE KAI TUR DAN TUM

Thuampui veng YMA thing an kihsak
Thuampui vengin AMC Commissioner an dawr

AMC commissioner in ngaihdam a dil.
AMC comsr in thuchhuah dang a nei leh.

Thuampui Branch YMA chuan Aizawl Municipal Corporation Office bula an thingphun an humhalh lai Aizawl Municipal Corporation Commissioner hnuaia thawkin an kih duh lohna lantirin nimin khan AMC office kawtah Thuampui khawtlang mi engemawzat an pung khawm.

Thuampui Branch YMA hruaitute chuan an buaina tawh dan chungchang thuthar lakhawm tute hmaah sawiin, Thuampui YMA President Pu K Lalrimawia chuan nimin lamah he thil thleng avang hian Thuampui khawtlang te chu AMC office kawtah lungawilohna lantirin an punkhawm tawh thu sawiin, hemi hnu hian AMC hruaitute leh Thuampui khawtlang hruaitu aiawh hrang hrangte nen an inbiak hnu ah, AMC Commissoner in Thuampui YMA te thingphun kih a nih avanga Thuampui mipuite rilru a ti na chu pawi a tih thu ziakin ngaihdam dilna a siam a, he lehkha hi Thuampui mipui te hma ah chhiarchhuah niin Mipui lungawilote pawh an tin fel niin YMA President chuan a sawi a
Hetianga thuchhuah a nih hnu ah AMC commissioner hian insawifiahna thuchhuah dang nei lehin Social Media hrang hrang ah thehdarh niin YMA President chuan a sawi a, he a thuchhuah ah hian Thuampui khawtlang demna hawi leh Thuampui YMA te dawhkan kilho a sawmna ni awm tak an mahni hrilhhriatna awm chuang siloa thuchhuah a siam chu Thuampui khawtlang thamloh na nia an hriat thu YMA President chuan a sawi a ni.

Thuampui YMA leh Khawtlang aiawh pawl hrang hrang tenthuchhuah intawm an siam a tarlan danin AMC Commissioner in Thuampui YMA te hnena ngaihdam an dilna ziaka a pek hnu a, ama insawihfiah lehna thuchhuah dang siama a thiam chan tumna nia lang a vawrhdarh zui zel avang hian Aizawl khawpui chhung enkawltu dinhmun sang AMC Commissioner hna chelh zui tlakah ngailoin Thuampui venga hna a rawn thawh chhunzawm zel an remtih loh thu an tarlang a, Sorkar thuneitute chu sawn chhuahsak ngei tura ngenin an ngenna tihhlawh tlin anih hma chu AMC Commissioner Dr H. Lalthlangliana office kai tur hi dan chhunzawm zel an tum thu an sawi bawk.

Author : Slchhunga Gooner
3Feb. 2017


Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s