NAGALAND MIPUI THINRIMIN KOHIMA MUNICIPAL COUNCIL BUILDING HAL, EC OFFICE LEH DC OFFICE BEI BAWK

Nagaland ah hmeichhia seat reserve an duh lo.
Sipai ten Naga 2 an kaphlum.
Naga mipui ten sorkar building an hal.
Sipai kahhlum ruang mipuiin phum phallo.

Tunkar Thawhlehni-a Nagaland khawpuia local body inthlanna kal mek a hmeichhiate tana 33% reservation siam dodala duhlohna lantirtute zinga mi 2 police ten an kahhlum avanga buaina inmung chu nimin lam khan irh chhuakin Nagaland khawpui, Kohima-ah buaina leh tharum thawhna a thleng.

Nimin Ningani a din, Nagaland Tribe Action Council te chuan chief miniter TR Zeliang hnenah thil lian tak 3 an ngiat thu an thawn a. He an thil ngiat hi tihhlawhtling turin nimi vek tlai lam dar 4 thleg khan hun bituk an siam a ni.

An thil ngiatte ngaihtuah tur a sorkarin hun a neih loh avangin buaina hi a chhuak ta a ni.

State sorkar chuan Kohima-ah hian section 144 (A awlsam zawngin: hmun khata mi 4 emaw a aia tam emaw punkhawm khapna dan ti mai ang – KV) hmang turin Army a ko lut a, tin, hetih chhung hian mobile service te pawh tihtawp lailawk a ni bawk.

Heti ang a boruak a inmung chhoh hnu-ah hian nizan khan mipui thinrim hian Election Commission office leh Deputy Commissioner office te an suasam a, Kohima Municipal Council building an hal ta a ni.

Heng bakah hian state information commission office, urban development department, railway reservation centre leh Kohima Press Club te pawh a chhia a a, document pawimawh tam tak a kang a ni.

Heng milui pungkhawm (Protester) te hian an thil ngiatte hi tihhlawhtlin a nih loh chuan tun Thawhlehni a police tena an kahhlum te ruang hi Nagaland CM Zeliang leh rorel lai Naga People’s Front (NPF) president Shurhozelie te kawt tuala dahah an vau bawk.

Buaina hi CM TR Zeliang-an February 1-ah local body inthlanna hi neih a nih tur thu a puan hnu, Thawhleh zan atanga intan chho kha a ni a. Local body inthlanna neih tura hmeichhiate tana seat 33% dahsak duhlohna lantira demonstration neite hi police ten kap in, mi 2 an kaphlum a. Heta tang hian mipui thinrim chuan heng an mi kahhlumte ruang hi phum phal lovin Zeliang leh a cabinet te chu bang tura an phut bakah, thihna thlenna a mawhphurtu police te chu ban leh Nilaini-a inthlanna pawh sut turin an ti bawk a ni.

Author : Kiddy Vanchhawng
3 feb. 2017


Advertisements
Aside | This entry was posted in National News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s