TRUMP-AN KRISTIANTE THLAVANG A HAUH NASA HLE: SAKHAW ZALENNA HUM A TUM RUM RUT !

    Trump an kristian thlavang a hauh.
    American sakhaw pawl te chhiah chawitir theihna a tibo dawn.
    Trump an chhia a chham laia a bible hman.

Niminah National Prayer Breakfast neihnaah US President Donald Trump chuan sakhaw mite zalenna humhim tlat a tum tih kalkhawmte hrilhin, “Sakhaw hruaituten politic thil (political speech) an sawi vanga, chhiah an pek lohna dan tihtawp sakna awm thin”Johnson Amendment” chu a vaia tihbova paih vek (totally destroy) ka tum a ni” a ti. Mahse, he dan paih turin Congress thlawpna a mamawh dawn a ni.

He “Johnson Amendment” hi kum 1954 khan Texas Senator Lyndon B.Johnson put luh niin, sakhaw mi-Kohhran hruaitu leh pawlten mipui vantlang hmaah an President duhzawng an sawi chhuah a, nemnghehna (endore) an neih chuan, sakhaw thil vanga chhiah pek an awlna (tax exempt) paih sak theihna dan niin, Kohhran hote chu he dan hmanga phuar beh an ni.

Hetianga President Trump-a thusawi hi Pastor leh kohhran hruaitute tan chuan thu lawmawm tak a ni ngei ang. A political base leh sakhaw thil vanga a hnehna kal zel a tih theih awm e. He Johnson Amendment hi a paih chuan chhiah awl (tax exempt organizations) kohhran leh pawl hrang hrangin an mi duhzawng US President atan an nemnghet ve thei tawh dawn a ni.

President Trump chuan, “Johnson Amendment chu ka paih anga, sakhaw miten hlauh nei lovin, zalen takin an duh chu an sawi thei tawh ang. Sakhaw mite zalenna chu thil pawimawh tak (sacred right) a ni a, hei hi nasa taka nekchep (serious threat) in a awm a ni” a ti.

National Prayer Breakfast a lo telte hnenah chuan, Mexico leh Australia hotute nen telephone a inbiakna chungchanga harsatna mi sawite chu awih duh suh u, tiin” Mexico leh Australia mite hnen atangin harsatna a awm lo vang. Lo lungngai suh u. Khawvel ram hrang hrang atangin engemaw kan tawk a, tunah reilote atan khirh tak (little tough) a awm hun lai a ni. Chutiang hun chu a thleng fo tawh lovang” a ti.

“Celebrity Apprentice” tih a lo buatsaih thin, California Governor hlui, The Predator-Arnold Schwarzenegger (Dr.Lip tawngkamin, Seksuallova!) an a lo chhunzawm, a hma phalova tlahniam ta chu fiamthu deuhva sawi chhuakin,”Arnold chu tawngtaipui a nia ka duh ni!” a ti bawk.

Ram 7 atanga (Muslim ram vek) “visa tihtawp lailawk” chungchang sawiin, “Firfiaka chetna hi Sakhaw zalenna atana hlauhawm ber a ni a. Tihtawp tur a ni, a tawp bawk ang. Tin, America ram zalenna leh himna leh American mipuite thilpek phalna chu heng Kristian tihlumtu leh sakhaw thila midangte that thinte chuan ‘advantage’ ah an hmang thin a ni. Ka sorkar chuan a thuneihna, thiltihtheihna leh zalenna chu sakhaw zalenna humhim turin theihtawp a chhuah ang. Thlamuang leh him takin kan awm tur a ni,” a ti bawk. Trumpuia thusawi hi American hote tan chuan a thlamuan thlak hle awm e.

President Trump chuan a naupan laiin a Nu in Bible a chhiarsak thin thute sawiin, US President 45na atana chhechhama lakluhni Jan 20-a a Bible hman kha an chhungkaw hman thin Bible a ni tih sawiin, “America chu ringtute hnam (nation of believers) a ni a. Kan nun phunga hlawhtlinna te leh tun dinhmuna kan awm theihna te hi khawvel thila hlawhtlinna (material success) a siam a ni lo.

Kan thlarau nuna hlawhtlinna (spiritual success) a ni. Khawvel thila mi hlawhtlingte an awm a, mi hausa tam tak an awm, chung mite chu ‘mi fir leh mihlimlo’ an ni”, a ti.

President Trump-a thusawi hi Mizoram a hlimsang te pawhin “Amen leh Hallelui” an pe ring hlein a rinawm!

Author : Ct Lalrinawma
Feb. 3, 2017

Advertisements
Aside | This entry was posted in World News and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s