CHAWNPUI BETHEL CAMPING CENTRE AN TI MAW..

  • Chawnpui bethel camping center a ing chhia.
  • Bethel camping center inenkawlna a chhia em ni.
  • CYMA in a tan tlat Bethel camping center hi engmah a nilo?
A hming chu a mawi, TV a kan hmuh thin dan lah a ropui. mahse maw, i rin ang kha a ni dawn miahlo a nia aw.. I fanu, i fapa kha i dah ve a tiraw… a luh zan atang khan a awm chen tur a ngaihtuah a, a beidawng nghal ngawih ngawih ngawih asin. Zu in mi a nih chuan thla sawm a awm ang a, damdawi khawih thin a nih chuan kum khat chhung a awm dawn asin!

Mihring nun ti nuam a, ti hlimtu chu – ‘naktukah chumi/khami chu ka ti ang a. thlalehah chuan chutiang/khatiang chuan ka awm ang’ tih hi a ni. mahse, Chawnpuiah chuan chung zawng chu a bo vek! ‘Naktukah a ngai, tuklehah pawh a ngai bawk..’ a va beidawn thlak dawn em!

I fanu/fapa chu chu beidawnna ruamah chuan a awm mek a, mahse, nang chu khawlaiah zalen taka lengin hlim takin i lo awm bik ang maw? I fanu/fapa chu eitur chhe tak eiin a awm a. Ruihhlo ngai hlir an thu khawm put a, room khatah mi 130 dawn te awm khawmin, zing dar 8 ah chaw an ei anga, tlai dar 3 ah chaw an ei leh anga, chu bak eitur an dawng lo ang. Ei tur i pek thinte kha maw, riltam awm khawm zingah chuan a zo rang lutuk. I hmuh lai chuan amahin a khai lut ang a, a lang lo chinah chuan security ten an duh duh an lo la ang a, a bang zawng chu a chan chu a ni. Chu pawh an lo dil luai lauia ang a, ni khat pawh a daih thathum lo a nia aw..

Chhuatah mutna inphah zawm putin an mu ang a, lut an tam leh an inphah zim a ni mai. Rilru lama rualbanlo engemaw zat room tinah an awm a, chung ho nen chuan khum khatah an mu tihna a nih chu, chu Rilru lama rualbanlo a mutpui chun zan reiah a rilru a thawk thutin a lo rek hlum der thei reng asin..

Room tinah Incharge an awm theuh a, chumi chu i zuk be thin anga, ani chuan, ‘A tha, a dam a, nuam a ti lutuk’ tiin a lo chhang ang che, mahse, ahma lawk khan, anmahni khan, i fanu/fapa kha alo sawisa zo chiah pawh a ni thei. Engmah i hre silo?

I fanu/fapa kha a rilru na lutuk leh beidawng ngawih ngawih kha chhuah tumin chhuat a lo kher a, an man ta si a, an sawisa hrep a ni mai thei a sin.

Beidawnna ruam atang chuan chhuah tumin chhuat a kher anga, an man vaih chuan ran suasam takin an suasam ang a, YMA thutthleng hial te pawn an vua ang, a hnar, beng leh ka atanga thisen a chhuak a nih pawhin, ‘ i cho chhuah a nih kha, i kawr khan hru rawh’. tih bak a hlawh lo ang.
Pumnain vial ngawih ngawih pawh nise, ‘Chhuah i try’ an ti ang a an beng hrep ang.
‘A ha na viau pawh nise, ’Hel tuar ve mai rawh’. an ti duh chauh ang. Nachhawkna te a mamawh ve thin asin, mahse, mi za chuang awm khawm khuan chhungte rawn pek bak engmah dawn an nei silo. Na an tawrh pawhin ‘TUISIK’ bak damdawi an dawng mawlh si lo.TV atang Tanpuina dawn chu an hmuh phak tawk a ni a, pu ber lah hmuh phak a ni hek lo. Nachhawkna strip khatte kha chu e, mi za chuang tan chuan mum khat paw’n an indaihlo a sin. A nuamsa zawka awm tur lahin intih fel a ngai a, midang hek alo ngai a.. midang diklohna sawi tam thei apiangin rin an hlawh a, chutiang chu ,security, emaw, chaw chhumah emaw an lut a, an ei a tui deuh a chu chauh chu kaisan na awmchhun a ni mai si,,, a va tha silo em!

Chhuah chak thu te pawh an bul ami ngei pawh tuman an hrilh ngam lo, chhuah sawi ringawt pawh a sawina ten an hek phah duh a, inhremna tling a lo ni zel mai si. Chhunzan zawma ti ti awmchhun chu, ruihhlo thuhruk dan tha te, a lakna tha te, a tih pawlh nawm dan te, a zuartu hriat that te bak a ni lo thei lo, Sual zirna hmun tha ber a tih loh theih loh a ni.

Thlarau lamah tuihalna nei teh mah se kawm fal tur eih an awm lo. Pu ber hmuh tum lah vana rah ang a ni. An Pu ber chuan room a rawn fang ngai miahlo a. Amah hmu tur chuan inkhawm bana Chair-a a thu lai va biak chu a ni mai. Chu pawh, room incharge hrilh hmasa loa an bia a nih vaih chuan, ‘incharge i va zahlo ve’ tiin an lo shock hrep leh mai dawn asin. Nikhatah chawhnu dar 4 velah inkhawm bak inkhawm dang a awm hek lo bawk. Inkhawm chhunah lah insawihthaihna bak an dawng bawk lo a. Hmangaihna thu te hi asin suala tlu mek te hian an mamawh chu.

Pathian rinchhana ding khuan e, a naute te chhungte khu asin a rinchhan. Thlakhata chhungte biak theih vawi hnihah hian an mamawh ziak bak, dal, alu, zikhlum…etc..te a chah tel vek a chung chu alo thlen that lohna room chu an ei a chhia a ni mai. Pawisa a tanpuina dawn hi a awm ten an dawng pha mawlh lo asin.

Inbual alo hun a, ‘tui no 5 a inbual fai tur’ tih te a lo ni a. Room tinah ‘tuipu’ an awm a, chumite chuan an leih a, nal pih pelhin an in bual a, ‘a nal kha chu twowel chan’ an ti mai a, fai miahloin an inbual a.. An tui rinte mawlh khu a nasain, kawr tui an In a, inbual nan an hmang bawk a. kap thak an vei a.. an in hiat suah suah hlawm a.

Sorkar ah lah in register duh hek lo! In register se, damdawi thiam, tui thianghlim, khum hrang, damdawi tha, councelor a mamawh dawn. Chunga a sum sen chu a donation chuan a rulh vek a ngai dawn a, a huphurh pawh a ni mahna le.

YMA ten an support alawm ila ti talh maw, ” jail ah awm ta se, a chhuak leh vat anga” tih hlauin Chawnpuiah an dah a ni chauh zawk lo maw.

Hetianga sorkara in register lo chu sorkar hriat pui loh a ni thei mai lo maw dan lam atang chuan? Chutiang a nih si chuan kan huat em em ‘human traffiking’ a ni ber mai lo em ni?

Hetiang hi hriain i fanu/fapa chu i zuk tlawh ngei a, mahse ibulah thut an phal hauh lo ang, ‘A nuam i ti em, i tha em?’ i tih te khan e, a awmdan dik tak sawi a chak asin, mahse, engmah a hrehawm lam thu te reng reng sawi phal anih loh bakah hmelah pawh lungngaih hmel leh thinrim hmel lantir phal a ni miau silo a, ‘nuam e, ka tha e’ a tih lai te khan e, a thinlung chu tapin a rum vawng vawng asin.
A dik tak chuan, a chhungte hmel a hmuh che khan, a hmuh tirh te atang che khan kuah che a, tah hawm hawm a chak asin, a rem mawlh silo.. Aw! Hmangaihna hi ava hlu em!

Hmangaihna thu dawng tura gospel campinga luh a chak fo zawk bawk asin. A harsakna i hriatpui duh mawlh silo. Hrem phu ah i ngai maw, kan Pathian hian hrem phu ah min ngai asin, mahse, hmangaihna vangin a fa suala tlu tawhte chu A fapa thisen meuh hmangin min rawn tlan asin. Misual ngaihdam khan i chenpui ngei kha i ngaidam theilo ang maw? ‘……..kan chunga thiltisualtute kan ngaidam angin, nang pawhin kan thil tih sual te min ngaidam ang che……’ tih hi thinlung takin i chham thei meuh em le!?

Hetianga a awm chhan hi engvang nge ni ta ang le? Nu hrawn/pahrawn i neih tir vang te a ni mai lo maw? Tin, i inchhung kha i chhungten nuam an tih turin i cheibawl tak meuh em? Mihran hrin, i thian mah an rilru hahna i ngaihthlak sak thin a nih ngai chuan i chenpui ngei chu a harsatna i ngaihthlak sak leh zual dawnlo em ni? I van malsawmna chu i tan a hlu ber lo em ni?I fanu/fapa hnenah ngei chuan, ‘ka hmangaih che’ tih tawngkam hi han ui lo chhin teh, hauhna dawn reng ai chuan a rilru a va khawih lehzual dawn em! Chutianga i hrilh hunah chuan e, mitinin kan mamawh theuh Hmangaihna an dawn phawt chuan maw, Kohhran thalai hruaitu tha ber ber a lo la ni thei asin. Chumi hunah chuan tap zawih zawiha inkuahin, nangin, ’Bawihte, ka hmangaih che’, ila ti ang a, Ani’n. ‘ka hmangaih lutuk chu’ tiin a la chhang let thuai bawk ang che.

Chumi hunah chuan kan Zoramah hian HOME hi a awm tawh lo ang a, chhung tin kan hlim tawh ang. I puanin kha zauh rawh tih Bible ah kan hmu a, kan hmangaihna puanin hian kan chenpuite hi a khung phalo fo a nih hi.

Hmangaihna chuan a dawhthei a, ngil a nei bawk thin…
engkim a tuar hram hram a, engkim a ring a, engkim a tuarchhuak thin,,,,’
he thu Bible a inziak reng chung siin, i fanu/fapa home a i dah khan pulpit ah hmangaihna thu i sawi ngam fo maw!?
Ani mai kha an nuihlo, hnung lam atang nang kha asin an nuih che.

Unaute inngeih dial diala awmkhawm hi a ava nuamin, a va tha em! Kan Lal Isua ngeiin, “i unau chu vawi sawm sarih hmun sawmsarih ngaidam turin ka ti a che” A ti a, La Isua thu zawm lo chu Isua mi nitlak a ni dawn em ni?
Chuvangin Hmangaihna chauh lo chu tu engmah ba suh ang u. I Chenpuite ngei hnena bul tanin, ‘KA HMANGAIH CHE’ tih tawngkam hi uar thar theuh ang u.. Chiartu duhtak, nang pawh, KA HMANGAIH CHE…

Advertisements
Aside | This entry was posted in Fifth Column, Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s