JOB CARD LEM VC LEH BDO OFFICE THAWKTUTEN INSEM THIN

  • VC te’n job card am hlep ru
  • Lawngtlai chanmari ii bethel veng vc te eiruk dan a maksak.
  • Thlarau MR hnuah thlarau job card
  • VC leh BDO office thawk te eiru turin an tangrual
Lawngtlai Chanmari-II Bethel Veng chhungah MGNREGA hnuaiah Job Card lem ni a ngaih sawmriat chuang hmuhchhuah a nih chungchang Lawngtlai Tualchhung Chanchinbu pakhatin a tarlan chu, he veng Village Council President chuan “Job Card lem chu a awm ngei a, VC leh BDO Office lam a thawktuten chanvo an insem thin” a ti.

Channmari-II, Bethel Veng Village Council President Pu T.Lalramchunga leh VC member dang pahnih te chuan nimin khan Lawngtlai a thuthar thehdarhtu thenkhatte kawmin, an veng chhungah Job Card lem 83 zet BDO Office lam ten hmuchhuak anga an sawi leh sum thahnemtham tak VC ten eiru anga sawi chu belhchian a dawl chiahlo tih an sawi a, heng 83 zingah hian khua leh tui dik tak 42 an tel tih an sawi a, a bak Job Card lem 41 te chu BDO Office lama MGNREGA a thawktu thenkhat leh Village Council Member ten an insem thin tih an sawi. “Village Council lam pawh Job Card lemah hian an fihlimlo tih sawiin, BDO Office lam thawkte pawh Job Card lemah hian an inrawlh thuk hle a ni” an ti.

Hemi chungchangah hian Lawngtlai-a kan palai zawhna chhangin Pu Zoramsiama Hmar BDO, Lawngtlai chuan, Job Card lem zawnchhuah hna hi ngawrh taka thawh a nih thu leh Village Monitoring Committee ten Bethel Veng a Job Card lem an hmuhchhuah pawh hi 86 a nih zawk thu a sawi a. Job Card lem chungchangah an Staff zingah inrawlh an awm leh awm loh zawnchhuah nghal a tum thu leh a tul anga an chungah hremna lek a nih tur thu a sawi bawk.

Tuna Lawngtlai BDO, Pu Zoramsiama Hmar hian BDO Lawngtlai mawhphurhna a lak atangin ni 50 inhlawhfakna pekchhuah tawh a ni a, Chandmary-II, Bethel vengah hian Job Card lem nia ngaih 86 telin Job Card nei 302 an awm a, Job Card lem ni a ngaih 86 hmanga inhlawhfakna sum pekchhuah tawh chu Rs 8,08,400/- (nuai 8 sang 8 za 4) vel zet a tling a ni

Advertisements
Aside | This entry was posted in Zoram Crimes and Accidents and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s