VANAPA THLAN AWMNA HNAHLAN RAM TUITHROH KAMAH

  • Vanapa thlan awmna.
Vanapa Thlan Sub Committee, Hnahlan Welfare, Headquarters Aizawl hruaitute chuan nimin khan Aizawl Press Club-ah thuthar thehdarhtute kawmin Pasaltha Vanapa thlan chu Tuithroh kam, Hnahlan ramah a awm niin an sawi.

Vanapa Thlan Sub Committee Hnahlan Welfare Headquarters Aizawl Chiarman, Pu V.Vungliana chuan “Vanapa hi Sailo Lal, Pu Lalsavunga Sailo, Pu Vanhnuailiana Sailo, leh Pu Liankhama Sailo te hunlaia an Pasaltha a ni a. A hun hnuhnung hi N. Diltlang (Kanghmun)leh Khuanglam-ah a hmang a. Henglai vela a awm lai hian ‘Saithuama Ram, Diltlang ngeiah hian Putar takin a thi’ tih hi Vanapa Chanchin lo ziak hmasa ber tu, Pu Chalkhuma chuan Mizo leh Vai chanchinbu, Bu li -na, 1926 April thla chhuakah Editor Makthanga Aijal (page 92-95) thuziakah hian chiang takin a lang a, hei hi Vanapa thih thu leh thihna ziak hmasa bertu a ni” a ti.

Pu V.Vungliana chuan “Vanapa hi Hnahlan Lal, Saithuama Sailo Ramchhung N.Diltlang rama a awmlai a thi a nih avangin Tui-throh kamah hian Phum nghal a ni a, A thlanlung pawh tun thlengin hmuh tur a la awm” a ti.

Vanapa thlan awmna Tuithroh ram a ni titu hrang hrang ten, an sawifiahna leh ziak a an tarlanna te pawh Pu V.Vungliana hian a tarlang bawk.

He hunah hian Vanapa tuchhuan 6-na Pu C.Thasiama chuan An pu, Vanapa Thlan awmna chu an pi leh pu atanga an lo inhrilhchhawn danah chuan Hnahlan Ram Tuithroh Luikamah a nih thu a sawi bawk.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s