DR. VL. ZAHAWMA CHUNGCHANGA A NUPUI LEH IBAM THUCHHUAH

  • Alternative medicine chungchang inhnialna.
  • Dr. Zahawma nupuiin a pasal a chhan.
  • A pawlpui ten Dr zahawma an chhan.
Ka Pasal (Dr. VL.ZAHAWMA) chungchangah thu dik tawk lo leh belhchian dawl lo, Social Media lamah a leng nasa hle mai a. He thu thang dik lo tak hi, sawi fiah leh tih rêm katum hran lo va. Ka pasal dikna chanvo hum him ve nan, tiang hian Post ka han siam ve ang e.

RED ALERT CHHAN LETNA :

Ka Pasal Dr. VL. Zahawma hian, Doctor a nih angin damlo a en a. Damdawi chawh theitu a nih angin, damdawi a chawh bawk thin. Doctor a nih avangin mi naupai leh naupai lo a hre ngei ang. “Nau i pai a nih hi,” a tih nu kha thla hnih ral hnuah zawt leh u la; thu dik tak chu a lo lang mai ang. Dawt a sawi lo ang.Tin, ‘Khawl mak tak i keng’ i tih kha, Damlo enna khawl tha tak a ni a, WHO pawhin a pawmpui, khawvel pum a hman atan a pawm a ni. He khawl QMR hi, khawl mak tak a ni lo. Damlo natna hriat theih nana khawl tangkai tak, Doctor hmanraw tha tak pakhat a ni. Khawl hman man chungchangah hian MBAM lamin, dan an siam angin mi pakhat en nan Rs. 500 lak zel tur an tih chu, ka Pasal hian a zawm ve mai a ni e.

ZR. Thahmingliana I tih hian, eng lai nge a chhuichhuak vek I tih chu le? Ani (ZR.Thahmingliana) hi nikum lama Dr. VL Zahawma’n, Keifang khu a Free Clinic a neih tuma, damdawi a chawh pawh ei tha peih lo tu kha a ni. “Ka nat zual phah lo, ka dam phah hek lo. Chuvang chuan, ka lungawi lova, ka timualpho dawn che a ni.” titu kha a ni. A thusawi hi thu tak hla takah kan ngai lo va. Mahse, mi puitling lo zia tak maiin, mipui hma ah ka pasal hi dawt hmangin a bei a. Police-ah FIR a thehlut bawk a. Ka pasal chu Police hmaah inlanin, a document leh lehkha pawimawh a han phawrh a; Police chuan an man ta lo a nih hi! FIR a thehluh avang hian, “A chhui chhuak ta i tihna em ni?” FIR a thehluh avang hian, ka pasal hian damlo a enkawl thiang tawh lo em ni? Damdawi a chawh thiang tawh lo ang maw? Tin, Police lamin thurawn min pek angin, ka pasal hi Court-ah a zualko a. Court-a a inlan hnuhnung berah khan, Judge chuan, “Pu Zahawma Document zawng zawng hi ngun takin ka en a, a dik a ni tih hi a lang reng mai si a. Judge ka nih ang chuan thurawn ka pek tur in ni lo. Mahse, Pu Zahawma hneah hian ngaihdam dil rawh u,” tiin a sawi a nih kha. Eng nge ZR-a chhui chhuah chu ni ta?.. tih hi ka zawhna a ni.

Tin, kan chhim lam unaute chu, engti anga fimkhur turin nge i chah? A chhan pawh i sawi si lo va, an natna lai a ensak ang a. Damdawi a chawh ang a; a duhin an lei ang a, duh lo chuan an lei lo mai ang chu! Tin, kan sawrkar hotute, Bialtu MLA leh Health Dept. lam hian, eng tiangin nge hma la se i tih reng reng le? Dr. VL. Zahawma hi i duh loh zawng a nih avang ngawt a, mipui rilru i tih thlaphan dan hi rapthlak ka ti hle mai.

Ka pasal umzuitu leh Social Media hmanga beitu hian, mi kut a rul kaw zen tum mai lovin. I nihna dik tak nen kan in ah lo kalin, rawn finfiah hmasa ngam la chuan, mi huaisen leh mi puitling i ni mai tur. I thil tih dan hi mi dawizep tlan chhe thil tih a nih avang leh, mipui fimkhur tura thu petheitui nih bawk si loh avangin; tun hnuah chuan, tu chungah mah he tiang thil hi ti tawh lo turin ka hriattir a che.

ROTLUANGI W/O DR. VL. ZAHAWMA
Luangmual, Aizawl.
No. F. 11011/1/2017
Dated Aizawl, the 17th Feb. 2017


OFFICE OF THE MIZORAM BOARD OF ALTERNATIVE MEDICINES GEN. HQ : AIZAWL, MIZORAM.
A society Regn. No. MSR 764 of 02.2016 under Act. 13 of 2005.
Affiliated to IBAM, Kolkata No. 251 of 08/11/2016.
PRESS HANDOUT

16.02.2017-a Social Media hrang hranga Dr. V. L. Zahawma Chawngthu chungchanga thu belhchian dawllo chhuah a nih chungchangah Mizoram Board of Alternative Medicines (MBAM) Gen. Headquarters chuan thil awmdansawifiah tula a hriat avangin a hnuaia tarlan ang hian thil awmdan dik tak Zoram mipuite hriatah a puang e.

1. Dr. V. L. Zahawma hi MBAM member satliah mai ni lovinEx-Officio member a ni a; Daktawr inti ni lovin Alternative Medicines Daktawr a ni a, a puh hmingchhetu hian a ringhlel a nih chuan a zir chhuahna institution-ahte kalin finfiah mai se atan tha ber turah MBAM chuan a ngaih rualin thurawn a pe nghal e.

2. A khawl hman QMR hi khawl mak a ni lova abikin Alternative Doctor-te hman chi bik a ni a, natna hrang hrang hriat ve theihna a ni. He khawla en man hi Dr. V. L. Zahawma Chawngthu hian uchuak takin a la lova MBAM-in rate a siam ang thlapin a la a ni zawk.

3. A damdawi ken hi Bio-Chemic a ni a, uchuak taka a man a chhiarna a awm lova a lakchhawnna atanga atana tlem tal ei awm ve turin damlote a leitir tih a tawngkam ngei MBAM-in a dawng .

4. Hmeichhe nau pai leh pai lo hi Mi naran tan pawh hriat thei dan a awm a, Daktawr a nih avangin naupai leh pai lo chu a hre vein a rinawm. A puh hmingchhetu hian heng a rin thil thu leh thu vauk leh thu satellu a theh darh hi inenfiah nghal vat se, a hming leh nihna pawh tarlang ngam lova tlan chhe chunga mi kuta rulkaw zen tumtu dik tak niah MBAM chuan a ngai a, a vengte a hekna thutling lovah hian Pathian hnenah tihtakzetin ngaihdam dil se MBAN chuan a duh tak meuh a ni.

5. Nikum lama Daktawr lem tia Dr. V. L. Zahawma Chawngthu puh hming chhiat chungchangah Police lamin investigation an lak tawh atangin Daktawr lem a nih an hmuh chhuah loh avangin Dr. V. L. Zahawma hian a puhhmingchhetu lakah Defamation Case file mekin tihhmingchhiat manah cheng nuai 20 phutin tunah hian Law Court-ah thubuai a awm mek a, Rei loteah Hearing neihleh tur a ni. He thu post-tu hian a hrechiang duh a nih chuan Aizawl District Court-ah finfiah mai se a tan a tha zawk ang tih MBAM chuan thurawn a pe nghal e.

A tawp berah chuan Zoram mipuite’n thu belhchian dawllo Social Media hmanga vawrh darh ching thintute hi huai takin do ngam thin ila, Cyber law bawhchhia apiang Defamation Case awrhtir ngam thin ila, tichuan, Social Media hi tangkai takin a tha zawngin kan hmang thei dawna ni tih kan inchahin kan inhriattir a ni e.

Sd/-
(VANLALMALSAWMA)
General Secretary
MBAM, Gen. HQ. Aizawl


Nuseni Fapa Duat
Alternative medicine or fringe medicine are practices claimed to have the healing effects of medicine but are disproven, unproven, impossible to prove, or only harmful; and where scientific consensus is that the practice does not or can not work.

Alternative therapies or diagnoses are not part of medicine or science-based healthcare systems. Alternative medicine consists of a wide variety of practices, products, and therapies—ranging from those that are biologically plausible but not well tested, to those with known harmful and toxic effects. Contrary to popular belief, significant expense is paid in testing alternative medicine, including over $2.5 billion spent by the United States government, with almost none showing any effect beyond that of false treatment.

Perceived effects of alternative medicine may be caused by placebo, decreased effects of functional treatment (and therefore also decreased side-effects), and regression toward the mean where improvement that would have occurred anyway is credited to alternative therapies. Alternative medicine is not the same as experimental medicine.


Author :

Advertisements
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s