NUPUI NEI MAI TUR LALRINFELA THING ATANGA CHESUALIN A BORAL

    Lalrinfela kum 34 s/o Romawii, Lunglei Bazar Veng, 2rd Bn MAP a thawk lai chu nimin khan Khawiva ram tlawng luiah an ram kal a, thingkung atanga a tlain a hliam tuar lovin sunday tlai khan CHS ah a boral. Zaninah a ruang hi lumen a ni ang a, naktukah Bazar Veng thlanmualah vuiliam a ni ang.

    Lalrinfela hi ramvachal tak mai a ni a, inrinni zing dar 6:30 vel khan sava rahtlan chan tumin a chhuak a, a tahtlan channa hmun tur a thlengin hmawng kungah a lawn a, thingkungah hian Rul-Chawngkawr a lo awm a, thingkung ațangin a tlak phah ta niin sawi a ni.

    A tlaknaah hian thing uipum rual vel a delh tliak nghe nghe a. Leiah tla thlengin a taksa che țha thei lovin kham karah atang a. A lu lam hnuai lamah awmin, a che hlei thei lova. Țanpuitu a au țhin a, tlai dar 3 velah ramkal mi thenkhat tena au/kuk ri hriain an va hmu ta a ni. Theihtawp chhuahin an bawisawm nghal a. Ama phone hmangin a chetsual thu hi in lama a chhungte an hrilh a. Mipa 2 leh hmeichhia 1 mai an ni a, a awmna hmun a chhengchhe em em mai si a. Anni tan Rinfela che thei lo chu kawngpui lama lak chhuah theih rual a nih loh avangin, Hlang te lo siamin țanpuitu an lo nghak ta a ni.

    Chetsualna hmun hi motor thlen theih a nih loh avangin in lam atanga tanpuitu rawn kal te tan thui tak ramhnuai ke a kal a ngai a, khawchhung mi ten a chetsualna hmun an thlen hian khua a thim tawh a ni. Kawng mumal lovah zawnin, zan dar 8:30 velah Christian Hospital Serkawn thlen pui a ni.

    Damdawiinah hian investigation te tih nghal zung zung a nia, a harh tha viau a, a țawng thei bawk a, a ke lam erawh a che hlei thei lo. Xray atanga a lan danin a ring ruh lamah inpelhsawlh deuh a awm tih hriat a ni a, Aizawl lamah MRI leh CT scan tih la ngai tura ngaih a ni.

    Lalrinfela hi March 15-a nupui nei tura inbuatsaih lai mek a ni a, an inneih hun leh ni tur te pawh zirtawp zan khan palai ten an rel fel a ni. A chhungkhat laina te leh a nupui tura hmangaih em em te Pathianin awmpuiin thlamuan rawh se.


    Author :

    Advertisements
    Aside | This entry was posted in Zoram Crimes and Accidents and tagged , , . Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s