Inverter Battery chungchang

Khai le a remchang bawk a hetah hian sawi law law ang aw…inverter battery bik sawi ta ila.

Inverter kan tih mai a hming dik tak Home UPS hi battery hmang niin a battery hman tur hi thlan uluk a ngai viau a, thenkhat in mahni rin thu leh thu puarpawleng an rin avangin duh duh an lei mai thin a, harsatna an tawh in a zuartute min mawh chhiat leh mai thin.

Inverter kan tih mai ah hian battery chi hnih awm in SMF( Sealed Maintenance Free) leh Lead acid te an nia. Hemi te pahnih hi lo sawi zau deuh ta ila.

SMF(Sealed Maintenance Free):
he battery hi a tui(distilled water) thun ngai hran lova, i thun anih chuan kha battery khan a chhiat pui nghal dawn ani. Heng SMF ho hi electrolytes atan gel chi khat(a hmung hi ka lo hre tawh mai lova- sulphuroc acid leh fumed silica chawhpawlh a ni e) hmang niin kha gel khan electric khawl leh pek chhuah a ti thei a, mahse hun a lo kal zel a kha gel kha ro hun a lo nei ve a, chu gel chu a ro chuan electrolytes ber a current khawl tu ti mai ang kha a lo awm tawh lova a lo hman tlak loh ta thin ani.
Heng SMF te hi Online UPS a hman tur bika siam a nih avangin Home UPS/inverter a hmang 99% te hi warranty awm chhung in a chhe tlangpui a, company lamin a hmanna tur an duan nilova hman a nih avangin warranty claim lamah harsatna a awm deuh vek a ni.

LEAD ACID:
He battery hi chu kan hre theuh awm e, a tui(distilled water) thun ngai chi a nih kha. Heng lead acid battery te hian electrolytes ah sulphuric acid an hmang a, maintain that a nih chuan kum engemaw chen a daih a, mahse damchhung daih erawh a ni bik lo. He battery hian positive lamah lead-di-oxide hmangin negative lamah lead an hmang a chutah sulphuric acid te nen chemical reaction siam in electric current 2volt theuh cell tin te khan an lo pe chhuak tak a ni(2×6=12volt).

Heng battery hi a tui a lo phai a nih pawh in acid thun lova distilled water thun tur a ni a, mi tam tak in acid an lo thun avangin harsatna an tawk thei bawk a ni. Tin, heng lead acid te hi inverter a hman tur a siam ngei i hmang a nih chuan sawi chet khan awmzia a nei lem lova, chuan lead acid reng reng hian hydrogen gas a pek chhuah avangin hmun up a dah lo hi a him ber bawk.

Maintain that chuan kum tam tak hman theih a ni ve a, tunah hian kei hian su-kam frendy-i 400va square wave ah hian SF SONIC PBX 650 (65Ah) ka hmang a ka theih tawk a tha in ka maintain a. June 2017 hian kum 4 a lo tling dawn ta reng mai.

Battery chung chang a zawh chian duh i nei a nih chuan WhatsApp lamah min lo be dawn nia.

C.Lalfakmawia
Trained technician
SF SONIC
9774973468

Advertisements
Aside | This entry was posted in General Knowledge, Hriatzauna and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s