. RMSA scheme hmangin Mizoramah RMSA Secondary School 92 hawn a ni tawh.

RMSA school awm tawh zat.
RMSA school atanga pass tawh zat.

Sorkar laipui Ministry of Human Resource Development-in zirna tihmasawn tura hma a lakna pakhat, Rashtriya Madhyamik Shiksha Abhiyan (RMSA) scheme hmangin Mizoramah RMSA Secondary School 92 hawn tawh a ni a, heng School atang hian zirlai 2397-in HSLC examination an pass tawh.

He thu hi Mizoram RMSA Dy. Project Director Pu C. Chawngthantluanga’n AIR hrilhin, RMSA hnathawh vang hian Govt Secondary School zawng zawng ten zirna lamah hma an sawn phah nasa hle, a ti a. Thingtlang kilkhawr, tunhmaa Secondary School la nei loten an chhawr tangkai lehzual a; Secondary School la nei ngai lo khaw hrang hrang 87 te chuan RMSA vangin zirna sang zawk an lo ban phak ta a, HSLC result nei ngai lo khua ten result an nei ta te hiram chhung hmun dang ruala hmasawnna zirlaiten an dawn ropui tak a ni, a ti.

RMSA-in School a hawn thar 87 zinga 81-ah te hian HSLC result neih hmasak ber
2012-13-ah zirlai 215 an pass a,
2013-14 ah zirlai 646 an pass a, 2014-15 ah zirlai 538 an pass a,
2015-16 ah zirlai 605 an pass a,
2016-17 ah zirlai 393 an pass bawk a, an vaiin RMSA school atangin zirlai 2397-in HSLC examination an pass tawh a ni.

RMSA hian Mizoram sorkar hnuaia School awm sate chu changtlung lehzual zawka hna an thawh theih nan room chi hrang hrang pek belhin school building a sak belh a. Govt High School awm zawng zawng 198-te chu class room te, library te, Computer room te, Art & Craft room te leh mipa leh hmeichhe inthiarnate a hrangin a pek belh bawk.

RMSA hnathawh zinga langsar tak chu High School la awm lohna khuaten zirna sang zawk an neih theihnana High School din hi a ni. Tun dinhmunah hian RMSA Secondary School 92 hawn tawh a ni a, heng zingah hian kumin session-a hawn thar school 5 te pawh an tel, RMSA Dy. Project Director chuan a ti a.

RMSA Secondary school-ah te hian Headmaster lehteacher Common room te, class room te, library te, Computer room te, Art & craft room te leh mipa leh hmeichhia tan a hrangin inthiarna te siamsak vek anni a. Zirtirtu, tunlai thiamna tha tak tak nei dah an ni a. RMSA secondary school din tharah te hian hmun kilkhawr tak taka zirlaiten zirna sang zawk an lo banphak ta a, Middle School bak zirna chhunzawm thei lo khuate pawhin HSLC pass an lo nei thei ta a ni, a ti bawk.

RMSA hmalaknaa Lungzarhtum khuaa Secondary School sak thar chu kar kalta Inrinni khan bialtu MLA, H&TE changtu Parliamentary Secretary Pu H.Zothangliana’n a hawng a. He School hi kum 2013 khan sak tan a ni a. Cheng Nuai 48 Sing 5 Sang 6 senga sak a ni a, room 10 leh toilet 4 a awm a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s