MAKHUNIK HMUN A MITE CHENNA AN HMUH CHHUAH CHU.

Makhunik hmanlai huna mite ho lo chen tawhna niinEnglish chuan The ancient city of very little people tihna a ni a, Mizo tawng erawh chuan Hmanlai huna Mite takte tete khua kan ti thei ang.

Makhunik hi iran rama awm niin 1940 khan thil hluilaichhuaktuten Iran a hmanlai khawhlui laihchhuah an tumna lama an hmuhchhuah a ni a, ahmun hi thlaler ramro tak mai a ni a, Shahdad thlaler Kerman bial chhunga awm a ni.Thil hluilaichhuaktute chuan an hmuhchhuah tirh chuan mak an ti hle a, a hmingah pawh i ran tawngin Shahr-e Kolouleha (City of Dwarf) tiin an phuah nghe nghe. chumi hnuzelah Makhunik tia thlak leh a lo ni ta a, a awmzia pawh a danglam vak hran love. Mahse Makhunik tih hi a awmze danglehah chuan Vana atanga lo kal mite reuhte tete chenna ti pawn a lehlin theih a ni.

He lai hmun hmuchhuaktute chuan “rinloh deuh maia, Makhunik kan han hmuchhuak zet hi chu Hnunglama sa barh ang mai kan ni e” tiin an sawi. Thilhlui laichhuaktute hian an zir chianna a, a landan chuan Prehistoric an tih mai 4th BC tawplamleh 3th BC tir lama cheng an ni e, an ti a.

He tlai hmun hi sawi tawh angin Shahdad thlaler zaupui maiin a hualvel a ni a, chu takarah a lum zualna leh a khawrona laiber Lut thlaler an tih mai Shahdad atanga 60km a awm niin, Makhunik-ah hian thil tam tak an hmuchhuak a, Workshop te Thlanmualte chenin felfai takin a lo inrem thlap a ni.

An han zirchian deuh deuh chuan he khua hian venghrang hrangte a lo nei fel hle tih an hriat mai bakah huanthlai ilo siamte thi leh ngunte an lo siam ve ani tih an hrethei a ni.

He hmun an zirchianna thawh khatna ah chuan thilhlui hlu tak tak 800 chuang an hmuchhuak phawt a, an zir chian thawh hnihnaah chauh tilai hmun himite chenna hmun a ni tih an hrethei a ni, chu pawh chu an thlan mual an hmuhchhuah atangin.

An insak leh an khawpui hi thil zang khai leh hmanraw changkang tak tak a hunlai a mihringte la hman ve phak loh hlir a din leh sakte an ni hlawm a. heng zawng zawngte hi an mahni hmuhchhuah leh siam chhuah vekte a nih avangin mak tih pawh a hlawh hle.

Thawnthuah chuan henglai hmuna michengte hi Van atanga lo kalte an ni a, an lo kalna chu a chhiat avangin an hawng leh theilo a tilai hmunah hian an lo cheng ve ta a ni, tia sawi te pawh a awm a.

Dr Susan Martinez. ‘The History of the Little People :Spiritual Advanced Civilization around the world” tih lehkhabu ziaktu chuan “hun hmasa lamah khan mite hi an lo awm ngei a, mihringte kan cheng hova kan awm khawm thin ang tho hian an lo cheng hovin an lo awm ho ve a ni” tiin a sawi. A thusawi tihchian nana a sawi zel dan chuan Makhunik hmunah chauh lo pawh Mexico leh Peru hmun a mite pathian lim an hmuhchhuahte, Menhune an tih Hawaii a awm te Nunnehi an tih Cherokee mai bakah Africa a Pyg Mies an tih maite leh Malaysia aSemang an tihte heng ho zawng zawng chanchin han chhui vel hian Mite lalram chu hmasang hunah khan a lo awm tawh ngei a ni. tiin a sawi bawk a ni.

Author : Lra Stipe Miocic

About Mizo Archive

I'm the one who collect the best writings of Mizos
Aside | This entry was posted in Thu Ngaihnawm and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s