M/S MIZO CARBON IN Rs.341,65,086*/- A DAWNG ; Rs.1034,84,311/- PEK LEHNA TUR CM HAWLA SAWRKAR IN A PAWMPUI LEH..! – Ruatfela Nu

Shillong- Aizawl inkara ni khata vawi 6, vawi 4/5 lehlang thei truck a awm!

“M/S Mizo Carbon kalphung dikloh chungchangah Zodintluanga, Minister hi mawhphurtu ber niin alang” .

ZORAM TODAY | AIZAWL | 16th May, 2017 :
Nimin may 15 khan Aizawl Press Club ah Social Activist Vanramchhuangi( Ruatfela Nu) chuan M/S Mizo Carbon kalpuidan leh sum pai inpek danah thil diklo tak awm ni alang chungchanga High Court a PIL a thehluh thu-ah chanchinbumite a kawm.

Ruatfela Nu chuan M/S Mizo Carbon chungchang sawiin “Atirah chuan partnership firm angin Dr.Margaret M.Varte leh Ravi Gulgulia te’n an din ani” tiin, “A hnuah partner pakhat zawk Ravi Gulgulia a bang” a ti a, M/S Mizo Carbon chu Minister Zodintluanga nupui unaunu Dr. Margaret M. Varte, ramdanga pasal nei hian ama firm ni chung siin mualpho a huna mualphona chang tur zawk niawm taka thiam takin he firm ah hian a bang ta zawk Ravi Gulgulia chu paper document a hmuh theihin thuneihna pumhlum a pe leh si niin a sawi.

” M/ S Mizo Carbon bungrua hi truck ke 12 nei leh aia te deuh tan Shillong- Aizawl hi ni thum emaw ni li chhung lai tlan ani chungin he truck hian nikhat ah vawihnih te, vawi nga leh vawi ruk te a lehlang țhin”, a ti a, heng truck hian lehlang turin boruak ah an thlawh theiloh thu a sawi .

Ruatfela Nu chuan bungraw phurh luh hi truck vawi 2382 thiar niin a sawi a ” Bungraw phurhluh enter nana an hman tawhloh taxation check gate Bairabi an hmang nasa” tiin thuneitu sang te’n an nau officer-te ah thuneihna diklo an hman thu a sawi bawk.

” May 21,2013 khan State Level Committee in Mizo Carbon pawisa dil Rs.344,65,085/- chu a pawmpui a ni” a ti a, hei hi M/S Mizo Carbon neitu nilo zawk account ah a lut daih a ni a ti.

Pi Chhuangi chuan May 27,2016 ah Rs.1034,82,311/- pek lehna tur SLC in a pawmpui leh niin a sawi bawk.

Mizo Carbon-a thil dik lo chhui chhuaka an tih dik loh phu tawk hremna pe tura mipui aiawh a PIL a theh luhah hian mawhphurhtu ni-a a hriatte sawiin Pi Chhuangi chuan Chief Minister Lal Thanhawla leh Minister dang pathum- Zodintluanga, H.Rohluna leh Lalsawta te thil tihdan niawma lang a tarlang bawk.

“Mizo Carbon bungraw che vel kan dil chhuah atanga a lan danin Ni 1-ah Shillong leh Mizoram inkar vawi 6, vawi 5 leh vawi 4-te lehlang thei Truck an tlan tir hun leh Ni-a Truck trip za chuang an unload hun zawng zawngte, Sum tam tak an dilna pawmpui a nih hunte hi Pu Zodintluanga’n Taxation a chan lai a nih tlat avangin he Department enkawl tura ruattu hian ruat chhan a neih ngei ka ring tlat a, bakah, a kaihhruai Sorkara hetiang thil thlengah hian a mawh phurtu ber chu Chief Minister a nih tlat avangin he thilah hian a mawh phurtu ber pakhat a ni” tiin CM Lal Thanhawla chu mawhphurtu lian a nih thu a sawi.

“Pu Zodintluanga, Minister hi Mizo Carbon Proprietor Dr. Makimi u pasal a nih avang leh a hming tumtu ber hian he sumdawnna hi a buaipui hauh loh avangte leh dik lo bak sak leh thil awm miah lo pawh Taxation gate paltlang thei khawpa Mizo Carbon te lalna Department enkawltu a nih avang leh a hun chhungah ngei rapthlak khawpa tam thil dik lo a thlen avangin a mawhphurtu dik tak a nih ngei ka ring nghet tlat a ni” tiin Ruatfela Nu chuan Margaret-i unaunu pasal Zodintluanga chu a phusa ber pakhat a nih thu a sawi.

“Kan rama hmasawnna rualkhai taka a kal theih nan bial 40 (MLA bial 40)-ah then darh kan ni a, tuna kan ram kal dan en hi chuan ram hruaitu MLA 40 zinga pathum (big 3 an tihte) te chauh thuneihna leh public money pawh an pum hmawm a ni” a ti bawk.

“Mizo Carbon chung changa thil dik lo rapthlak lutuk pawh hi chhui chhuah a nih ngei theih nan Mizo mipui zawng zawngte tanrualpuiah ka sawm tak meuh” tiin he thil diklo ni ngei a lang chungchangah Mizo mipuite tangrual tura a sawm thu a tarlang.

Advertisements
Aside | This entry was posted in Zoram Crimes and Accidents and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s