US LEH UK TEL LOVIN EUROPEAN KAN AWM THEIH A NGAI -Chancellor Angela Merkel of Germany

Niminah German Chancellor Angela Merkel chuan Baravian ho khawpui Munich-ah election campaign neiin, mipui 2,500 hmaah thu a sawi a, “Tunah chuan US leh Britain leh Russia tel lovin, European hote chuan kan hma lam hun tur kan siam a, kan beih tauh tauh a ngai ta ni” a ti. Angela Merkel hian G-7 Summit neihah khan US President Donald Trump ngaihdan thlak hreh lutuk leh Paris-a UN’s Climate Change chungchang leh Migrants-ho chungchangah inremna mumal an nei theilo niin a sawi.

Angela Merkel chuan G-7 Summit a inbiakna chu “A tha lo tak zet a, duhthusamlo tak a ni” a ti. President Trump chuan “America First Policy” leh mahni inven duhna (protectionism)a neih tlat vangin climate change-global warming chungchangah thutlukna an siam thei lova. Donald Trump chuan karhnih hnuah thutlukna a siam theih chauh tur thu G-7 ram hausa 6 hruaitute a hrilh. Merkeli chuan G-7 Summit ah chuan “six against one” a ti bawk. Trump pawhin ” a tha lo tak zet” (very bad) tiin a sawi.

Donald Trump hian Brussels, Belgium a NATO ram 28 leh EU ram 28 hruaitute a hmuh tumin, Germany sumdawn dan chu sawiselin, “America ah an car siam chhuah nasa takin an hralh chhuak bik a ni” a ti. Germany hi EU rama economy lian ber a ni. Kum 2016 ah khan US nena an in sumdawn tawnna-trade suplus chu US$ tluklehdingawn 283 lawih a tling pha a ni. Trump hian “protectionist agenda” a nei tlat a, ram dang pawhin thawhpui khirh an ti tan hle niin a lang.

Angela Merkel hian Sept thlaah an ram inthlan pui a hmachhawn dawn a, 2005 atangin a rawn chak tan a, inthlanah a hruai party Christian Democrats te chuan hnehna an chan leh ngei a rinawm. Chutih rualin Eptu pawl Socialist Demorats pawh an rawn chak chho hle an ring.

China leh Germany trade lamah an sang chho filawr hle a, hei hi President Trump chuan dificit cut a duh a ni. China chuan a thil siam chhuah hralh thu-ah a duh hun hunah a sum hlutna a tihniam vel a, chu chuan rate a tichhiain, chutianga sum inthleng tawnna tihdanglam “exchange rate manipulation” chuan US phurrit a siam phah tiin, Trump chuan China thiltih hi a sawisel thin.

President Donald Trump chuan ni 9 chhunga ram 5 zet a tlawh kual chu dam takin White House thleng leh tawhin Tiwtter-ah, “Europe atangin ka lo thleng chiah e. America tan zinna hlawhtling. Hna thawh rim a ngai, mahse, result lian tak a ni!” a ti. NATO 28 ram hruaitute pawh Defense Budget share GDP 2% pe turin hmaichhanah a tur bawk

Author : Ct Lalrinawma    

Advertisements
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s