ZIRLAI PAHNIH VUI LIAM AN NIH HMA CHUAN MIZORAM CHHUNGA HNAMDANG PAWN CHHUAK LO TURIN AN NGEN

Tarlan tawh angin nimin zing khan Guwahati rel kawng sirah Mizo zirlai pahnih ruang chhar a ni a. Mitthi te hi Lunglei Electric Veng tlangval NERLP kaltlanga Skill development hnuaiah Technician , Downtown Hospital-a zirlai mek C. Lalhmangaihsanga(24) Chawnghranga fapa leh R. Lalmalsawma (24) LalthanzamiFapa te an ni a, an ruang hi Guwahati-ah rel kawng sirah chhar a ni a, Lalhmangaihsanga hi a ban leh a ke a tliak a, Lalmalsawma hi a beng atangin thi a chhuak bawk a ni.Thudawn danin C. Lalhmangaihsanga leh R. Lalmalsawma te thiandun hi Inrinni tlaia tui cheng tur a chhuak an ni a, an rual hian Mizo mipa dang pawh an kal venual a, tlai lamah haw rual leh vekin an ni pahnih hi Hostel thleng lovin an Hostel bul a nepnawi dawrah an thu khawmuang a, heta tang hian kalsawn lehin hmundangah an kal leh a, nepnawi dawr a an hmuh hnuhnun ber hi zan dar 9:00 vel a ni.Hemi hnu hian an chin hriat zui ni ta lovin, nimin zing dar 4:00 velah an thih thu hi hriat a ni a, an Hostel a Mizo zirlai te chu ruang awm naah kal nghalin puanin an khuh a, hemi hnu hian Panikheitu Police ten an ruang hi an la a, GMC-ah Postmortem nghal an ni . Ruang 2 hi Mizoram House-ah thlahna neih a nih hnuin Guwahati Mizo Welfare kaltlangin Mizoram rawn panpui an ni a, naktuk Thawhlehni chhun dar 11:00 vui an ni ang.He thiltleng chungchangah hian Lunglei Electric Veng Branch YMA chuan thuchhuah siamin Assam sawrkar chu pawikhawihtute chhui chhuak a, a mawhphurtute chu na taka hrem ngei turin an phut bakah Mizoram sawrkar pawhin thilsual ti tute hi zawng chhuak tura hma la tur leh, thi chhungte chu zangnadawmna pe ngei turin an phut thu an sawi a ni.

MZP pawhin thuchhuah siamin , hetia mizo zirlai pahnih ruak hmu a ni hi pawi an tih thu leh , chetsual vang niloa, hnamdang kut tuar ngei an nih an rin thu an sawi a, pawikhawihtute rang taka man an nih theihna tur leh na thei ang bera hrem an phut thu an sawi a , ruang lo tuamhlawma, lo buaipuitu Guwahati Mizo Welfare te leh Guwahati Mizo Students Union te leh Guwahati Mizoram House a thawk DRC leh a thawhpui te chungah MZP chuanlawmthu an sawi bawk a ni. MZP General Headquarters chuan North East Students’ Organisation(NESO) a All Assam Studens’ Union(AASU) hruaitute bia in, thil sual ti tute rang taka zawngchhuak a, a na thei ang bera hremna lekkawh tura Assam sawrkar thuneitute nawr turin an ngennghal bawk a ni.

MZP General Headquarters, Aizawl chuan zirlai pahnih ruang hi Vanapa Hall kawtah lo hmuah an tum a, Mizo Zirlai zawng zawng leh an mahni lainattu Mizo mipui zawng zawng hmuahnaah hian tel vek turin a sawm a ni. Ruang hmuak tura kal zawng zawng ten Pawndum bat theuh turin an in ngen bawk.Ruang pahih ten Mizoram an rawn luh atanga vui zawh hma chuan Mizoram chhunga hnamdang te chu an mahni taksa him zawk nan pawn chhuak rih lo turin an ngen.

Author :    

Advertisements
Aside | This entry was posted in Zoram Crimes and Accidents and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s