CAG-IN SCHOOL EDUCATION DEPARTMENT LIPSE NASA

Zirtirtu pakhat chauh awmna school zat.
Zirtirtu qualified lo zat.

CAG Report, May 25, 2017-a pharh takah chuan Mizoram sorkar, School Educatio department hnuaia thil dik tawk lo engemawzat tarlan a ni a. Heng report-te hi Department lamin sawifiah ngaihna an hriat tawh loh leh phat ngaihna an hriat tawh loh a ni tlangpui.

1. School Education department hnuaiah zirtirtu pakhat chauh nei school an tam hle a. Kum 2015-16 chhung khan school 59-in zirtirtu pakhat chauh an nei a, heng school 59-ahte hian zirlai 2871 lai an awm a ni. Zirtirtu pakhat chauh nei school hi kum 2011 atang khan an pung zel a ni.

2. Kum 2015-16 chhung khan National Council of Teacher Education (NCTE)-in zirtirtu atana qualification a siam ang ni pha lo, unqualified teacher hi 670 zet an awm a, hei hi zirtirtu awm zawng zawng zat atanga 6% lai a ni (Hetiang vang hian Tripura-ah zirtirtu sang tam tak ban an lo ni tawh)

3. Zirtirtu atana lak ni si, zirtirna hna ni lo office danga pawh pen an tam hle a. Kum 2010 atanga kum 2016 thlenga heng zirtirtu hmun danga pawhpente hlawh zat hi cheng nuai 3722.13 zet a ni. Hetianga zirtirtu pawh pen hi SSA State Project Office-ah hian kum 5 chhungin mi 14-24 awm ang an ni a, SSA, Aizawl District Office-ah phei chuan 53-63 an awm a ni. Hei hi RTE Act Section 27 kalh tlat a ni.

4. Kum 2015-2016 chhung khan Mizoram-ah sorkar phalnaleh pawmpuina (recognition) nei lo Primary school leh Middle School 101 an awm niin CAG report-ah tarlan a ni a. Heng school-te lakah hian School Education Department-inaction engmah a lak loh thu tarlan a ni bawk.

5. Kum 2010 atanga din school la kal rual chiah lo naupangte enkawlna, Early Childhood Care & Education (ECCE) 396-te chu kum 2013-14 atang khan Govt. of India thupek angin tihtawp a nih tawh thu leh Social Welfare Department mawhphurhnaa dah a nih tawh thu SSA SPD-in a sawi a. Mahse, 2014-15 atang khan ECCE hi 66 siam leh a nih thu department record-ah a lang chiang bawk si a, SPD chhanna hi CAG chuan pawm theih lohah a ngai a ni.Tin, kum 2014 atanga ECCE 66 din anga tarlan a nih laiin SSA-in computerised-a data an vawnthatna DISE -ah thung chuan ECCE hi 395 awm anga tarlan a ni thung a. Zirlai awm zat record pawh 36,000 chuang zetin record pakhat zawk nen a inthlau a ni.

6. Kum 2013-2014 khan State sorkarin matching share a pek tur cheng vbch. 7.80 chu pe thei loin vbch. 3.43 chauh a pe a. Sorkar laipui pawhin sum a la pekchhuah turte a pechhuak duh ta bik lo a. Hetiang a nih avang hian Mizoram sorkarin zirtirtute hlawh tur nuai 677.85 pek tur a nei ta lo a. Nuai 267.45 chu hmun dang atanga pawtkhawmin, a bak zawng nuai 410.40 chu kum 2014-15 a zirtirtute hlawh pek tur atangin a pawt peng thung.

7. School Education department-in child survey a neih ngai loh avangin data dik tak hriat a harsa em em a. Zirlai awmzat tura beisei leh a taka awm zat a inthlau thei hle. Hei hian school lut lo zat leh drop-out zat record chiang lo tak a siamchhuak thei a ni.

Author : Hillsgate Weekly Newspaper    

Advertisements
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s