Goa a inhlawh kal turte hriat tur

GOA MIZO WELFARE PRESS RELEASE
GMW/PR/02/2017
Date 16th June, 2017
Goa-ah hian hnathawk turin Mizo thalaite an rawn kal thla ve ta fo mai a. A bikin tunhnai hian Agency hrang hrang ten hnathawhna tur an kawhhmuh atangin Mizo thalai te Goa-ah hnathawk turin an lo kal nasa leh zual em em a. Hei hian hna zawn kawngah hma kan sawnna leh, ram pawn lamahte pawh hnathawh kan hreh tawh lo a ni tih te chiangtakin a tarlang a ni. Chutihlaiin Goa-a hnathawk tura rawn chhukthla te zingah, a bikin Mizoram lama hna an lo zawrhte zingah, harsatna hrang hrang tawk an awm ta fo mai a.

Chung harsatna langsar zualte chu:
1) Mizorama hna min rawn zawrh ang tak kha a lo ni leh thin lo.
2) Hna kan zu thawhna tur te’n Goa-ah awmna mumal an lo pe lo.
3) Hlawh pek that an ni lo.
4) Hnathawhna tur company kha Mizoram lama an insawi ang a lo ni lo.
5) Hmarchhak mite an lo ngaihsak tha lo bik

Hengte bakah hian harsatna dang tam tak a awm thei awme. Heng harsatnate hi a awm thin tih hriain Goa Mizo Welfare (GMW) Executive Committee chuan kan thalaite hun lo kal zela an lo fimkhur zawk nan leh harsatna an tawh belh tawh loh nan Press Release kan siam a. Goaa hnathawk tura lo kalte’n an rawn kal hma ngeiin a hnuaia kan han tarlante hi uluk taka ngaihtuah hmasa turin kan ngen a ni:

1) Hnathawhna tur chu eng ang company nge a nih tih te zirchian hmasak ni se. Chung zingah chuan dan ang thlapadin a ni em tih te, hlawh pe tha thei turin kumtin sum an siam chhuak tha em tih te, kum hma lama lo thawk tawhte feedback te pawh a tel thei ang.

2) Hnathawh dan tur (work contract and specifications)zirchian hmasak ni se. Hnathawh dan tur te, employee te tana security te chu ziakin an nei em tihte chian hmasak a tha.

3) Kan hnathawhna turte chuan Goa-ah awmna tur min pe dawn em tih hi zawh chian hmasak ngei a tha. Awmna an pek theih loh chuan Goa-ah hian in luah man te a to em em a, zawn hmuh mai te a harsat mai bakah khawsak a harsa thin a ni.

4) Mizorama hna min zawrhtute chinchang pawh zirchian a tul khawp mai. Heng employment agent te hi a chang chuan a lem te pawh an lo ni thei. Employment agent te chuan a hmaa kan tarlan takte hi chiang takin a hrilhfiah thei tur a ni a. An sawi ang company a lo nih loh chuan Agent te khan mawh an phur ngam tur a ni a, chu pawh chu ziak ngeia neih a tha ang. Agent ten mawh an phur ngam dawn lo a nih chuan inbumna thil a ni thei a ni tih hriat a tha ang.

5) Goa khawpuiah hian Mizo Welfare changtlung takin, Goa sawrkar hriatpuina nen kan ding a, Goa-a hnathawk tura lo kal ten Goa Mizo Welfare hruaitute be rawn tur leh leh chinchang zawt chiang hmasa thin turin kan inngen a ni.

Tin, nu leh pa, chhungte pawhin kan fate/chhungte Goaa hnathawk tura an rawn kal thlak hmain hengte hi hre nawn a, ngaihtuah chiang turin kan inngen bawk a ni.

1) Kan fate/chhungte hnathawh leh hnathawhna kan hrechiang tur a ni. Nu leh pa tam tak ten an fate hnathawh hre chiang silovin sum/pawisa thawn turin an ngen chiam thin. Hei hian an fate rilru piansual tirin chhungte sum an thawn theih dawn phawt chuan tihhreh an neih loh phah thin.

2) Thalai tam tak ten an beisei ang leh hriat hmasak ang hna an hmu lo fo thin. Chhungte hriatpui silova hnathawk mumal lo leh tei mai mai an awm phah thin a ni.

3) Tin, naupang lutuk, kum tling lo an lo chhuk fo bawk thin a, hei hi nu leh pa te mawhphurna a ni.

4) Tunhnaia Goaa hnathawk tura lo kal te zingah Mizo hmeltibal tak tak hmuh tur an awm ta nual mai. Hnamdang ten Mizo te bakah tlang mi zawng zawng te thlenga min hmuhsit phahna turin kan fate awm tir lovang u.

Goa Mizo Welfare hi Goa Mizo awmte tana din a ni a. Goa aMizo cheng apiang tan member nih theih a ni. Membership form hi engtiklai pawhin GMW hruaitute hnen atangin a lamtheih reng a. Nu leh Pa, Chhungte pawhin kan fate/chhungte hnenah Goa Mizo Welfare bel thin tura infuihthar turin kan inngen a. Tin, Goaa hnathawk tura lo kal te pawhin Goa Mizo Welfare te belh nachang hre turin kan inngen bawk a. Goa Mizo Welfare bel duh tlat lo leh hnaih duh tlat lo ka awm anih chuan an chungah engpawh thleng se Goa Mizo Welfare hian mawh kan phur dawn lo a ni.

Goa-a Mizo awm te hian chawlhkar tin, Pathianni apiangin inkhawmna hun kan nei thin a. Inkhawm hun hi tlai dar 2.30 a ni. Kan inkhawm hming hi Goa Mizo Inkhawm (GMI) tiin kan vuah a.
Kohhran denomination belh bik a nei lova, mizo kristian tawh phawt chu kan leng vek a ni. A hranpaa Membership enrolment tih a ngai lova, Goa Mizo zawng zawngte GMI member an ni nghal mai a ni.

Kan inkhawmna hmun chu:
ALUA RESTAURANT
YAKI ZUSHI
SANGOLDA – GOA

(B. LALRAMHLUNA) (SAMSON KHAWLHRING)
PRESIDENT             GENERAL SECRETARY
Mobile No: 9921135267     Mobile No: 7038471042

GOA MIZO WELFARE(Estd.2012)

Advertisements
Aside | This entry was posted in Hriatzauna and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s