Court Lungthu Pathum : Bar Bench Peshkar = Judiciary*

Judiciary rorelnaa pawimawh em em, lungthu anga inkawp tlat chu Bar leh Bench leh Peshkar te hi an ni.

*Bar* kan tih chuan thubuai pu luttu Advocate (Ukil) zawng zawngte hi an ni a.
*Bench* kan tih erawh chuan thubuai ngaihtuahtu leh thuremtu ‘Judge/Magistrate’ kan tihte hi an ni thung a.
A hnuhnung bera *Peshkar* kan tihte erawh hi chu Dan hremi te ni ve tawh lo a, Court staff, thubuai tinreng lo ziak fela, lo remfeltute an ni a, a kila lung tangkai berte an ni.

Heng lungthu pathum – Bar, Bench leh Peshkar te hi Court rorelnaa dinhmun pawimawh tak tak chelh vekte an nih avangin an dinhmun hi a pawimawhin a nep zawk a awm hran chuang reng reng lova. A khawi emaw ber pawh hi an awm loh hlek chuan rorelna kalpui theih a ni lo. Thubuai pu luttu leh sawisaktu (Advocate) te tel lovin Court rorel tur a awm thei lova. Chutiang bawkin thubuai ngaihtuahtu (Judge/Magistrate) te tel lovin thurem theih a ni lo bawk a. Tin, lo ziaka lo chhinchhiah fel vektu (Peshkar) te tel lo chuan Bar leh Bench lam pawhin engmah an ti thei chuang lo!

Chutiang chu a nih avangin heng Bar, Bench leh Peshkar te hi kan inzahtawn thiam a ngai em em a. Advocate te pawh hian kan hriat reng tur chu Bench kan zah thiam poh leh kan zahawmna kan vawnghim tihna a ni a. Kan Client te hmuh laia Black Court ha lo leh Necktie pawh awrh lova zahpah lo taka keini aia Judge junior deuh zawk an lo nih vanga Court Room-a kan chet buan buan a, Peshkar te pawh Dan hremi pawh ni ve hlei lo tih ang zawnga tham lo taka an laka kan chet thin chuan Bench lam ai mahin keimahni kha kan mualpho nasa zawk a. Tin, mipuite hmuhah Court zahawmna thui takin kan ti bawrhbang tel bawk thin a ni tih kan hriat reng a tha.

Chutiang bawkin Bench lam pawhin ka mimal Court a ni tihang rilru pu-a kan hmaa Advocate lo dingte kan lo zahthiamloh chuan nasa takin kan zahawmna kan tikiam tihna a ni a. Advocate te hi Judiciary ah chuan Court Officer, Court proceedings laia an duh zawng sawi thei tura zalenna zau tak nei an ni tih hi kan hriat reng a tha a. Tlema Advocate la junior deuhte an nih vanga tham lo taka an Client te hmuh laia kan lo dawngsawng a nih chuan anmahniah zahna leh inhmuhhniamna thui tak kan tuh phah thei a. Chuvangin, Client te hmuh lai ngat phei chuan la patuai deuh pawh nise puitling leh hawihhawm taka lo dawnsawn hi a thawm a mawiin thui takin Court pawh kan vawng zahawm zual a ni tih hi kan hriat reng a pawimawh khawp mai.

A tawp berah chuan Court Staff, Peshkar kan tih hote pawh hian Court vawn zahawmna kawngah thui tak mawhphurhna an nei a. Court rorelna tha a awm theih nana a kila lung tangkai ber an nih avangin Bar leh Bench lam pawhin hriatthiamna nen kan dimdawi thiam a ngai takzet! Tih tur an nei tamin hna an ngah em em a, Advocate lam te pawhin keimahni hmanhmawhna lam ringawt ngaihtuah lovin a tahtawla an zai kan ngaih thiam pawh a tha. Chutihlai erawh chuan, Peshkar lam te pawhin Bar lamte hi kan pu te, kan pi te an ni ve lo tih vang ngawtin kan va thamlo tur a ni reng reng lova. Bench lam ang bawka dinhmun pawimawh chelh, Court Officer an nih tih hi kan hriat reng a tha. Chutiang zelin Peshkar lam te pawh hian Advocate te laka an Client te pressure nat thin zia hi kan ngaihtuah tel ve a ngai a. Bench lamin issue theiha direction a siam tawh a nih phei chuan tikhawtlai lova a tahtawla chet zung zung hi Peshkar kan nihna anga kan duty a ni tih i hre thar leh theuh bawk ang u.

Author : Fela Ayala    

Advertisements

About Mizo Archive

I'm the one who collect the best writings of Mizos
Aside | This entry was posted in General Knowledge and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s