SAMTLANG MIBO, DAMTAKA HMUH A NI

Ni 8.6.2017 atanga chin hriat loha awm Tv Ramdinzaua Sailo, kum 51, Samtlang khua chu ni 11 zet ramhnuaia a awm hnuah vawiin Ni 19.6.2017 tlai lam khan Lungleng, Serzawl ramah amah ni ngeia rin an hmuh chu Samtlang lam atangin amah hrechiangte tlanvatin, amah ngei a ni tih finfiah a ni a, dam taka hmuh leh a ni.

Khawtlang anga amah zawnna hun tawp nimina an siamna hunserh tawitea a chhungte leh an Br. YMA hruaituten an sawi dan chuan, Tv.Ramdinzaua (Dina) hi Samtlanga piang chiah chu ni lo mahse, a pan a boralsan hma a, an naupan laiin Samtlangah hian a nu in a pem pui a.Tlangval fel tak ni chhovin, Samtlang Br. YMA Treasurer te pawh lo ni tawh a ni a. Amah hi mahni in kil tawih mi leh mi inthlahrung thei tak a ni a. A hrisel lo chho nen Lung lam tha lo a neiin damdawi ei reng mai a ni a. An khawsak a awlsam lutuk bik si lova, a in kiltawih nasa leh zual a. A damdawi a nghei chang phei chuan depression a nei nasa hle thin.

Ram lam hnathawh kawngah hian a taima em em a. Samtlang veng atanga hla vak lovah Lo enkawlin thlamah a awm chawt a. 2008 vel atang phei lha chuan kum 3/4 chhung vel phei chu khuaah haw miah lovin Ram lamah hian a awm tlat a. A buh thar leh thlai tharte, lui lam sa a man te chu a chhungte a sem vek mai thin a ni.

Depression a nei nasa tulh tulh a, taksa lam bawrhsawmna a neih pawhin doctor pan turin a haw duh tlat lova,a chhung ten ram lamah doctor an hruai zawk changte pawha awm thin.

Tichuan, tun hnai kum 3 kalta vel khan a chhung ten tihluihna in an hruai haw a. In lamah awm tirin, ram lama a kal tur hi an veng deuh chawt mai a ni awm e. A natna avanga depression aneih hi a zual zelin, Khaw chhungah YMA in ka awmve an phal lo tihte in a sawi thin a ni awm e…A bo ni hian amah vengtu inthiar lawk hlanin lehkhaah thu tawite ziak lo hnut chhiahin, “Mangtha ule” tihte a lo ziak a. Hei vang hian a chhungte pawhin alo haw leh emaw hmuh leh an beiseina a ti bo hle a ni awm e…

Amah zawnna hun tawp an siamah, amah hringtu nu chuan, an thil tawn harsa takah lawmthu bak sawitur a hriat loh thu leh khawtlang leh tute tan pawha tangkaina nei lo mahse an chhungkaw tana atangkai zia hi a sawi nasa hle a ni.

Ni 11 zet a chin hriat loha a awm hnua, nungdama hmuh leh a ni hi a lawmawm tak zet zet a ni e.

Author : Slchhunga Gooner    

Advertisements
Aside | This entry was posted in Zoram Crimes and Accidents and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s