Tv Tialhnawka thihdan chungchang

Kum 2009 kuma Tv.Tialhnawka thihdan chungchang facebook mizo special report ah Salai khuaikham inti in Lungtian khuate min demna lam hawi a post hi tlai khawhnu fe ah ka lo chhiar ve a. A post tu hian thil awmdan a hre chiang tawklo hle niaa lan a vangin post ka han siam a ni.

Tv.Tialhnawka hi Burma mi Tihbual khua Lungtiana rawn awm a ni a. Silai a sa kahtur zawnga ramvak thin a ni.

Ni khat a ramvak chu alo haw mai lo a. A awmna chhungte mangang in Lungtian YLA te an pun a. Khawtlangin chhun zan zawmin furpui khawchhe hnuai ah vangvat saitial karah, sum leh pai tha leh zung tam tak sengin Ni sarih leh zan sarih rimtakin kan zawng a. Kan hmu zo lova pawi kan ti em em a ni.

Hetia kan zawn hmuhtak loh ah chuan ngaihdan leh rindan a tam hle mai a. A thenin ramvak dang mi kutpalh a tuar a nih an ring a. A thenin Amah leh amah intipalh a nih an ring bawk a. A thenin hmundanga kalbo emaw khawmu chawibo a nih ringte an awm bawk a. Chutiang chuan rindan leh ngaihdan a in anglo ta nuai mai a.

Tichuan a hnu fe kumin 2017 kumtir lam khan thian zaho Tialhnawka ramvahna lama ramvak ten Ruhro mihring luruh nge sa luruh ro tih pawh an hriatloh chu an chhar a. He thu hi a awmna ten an lo hriat chuan an Ina awmthin a chin hriatloha bo ta Tialhnawka luruh ro a ni thei mai angem tih ngaihdan neiin an In lamah an la phei a.

Upa ten an han en chuan mihring luruh ni ngeiin an hria a. A awmna chhungten YLA hnenah zawnsak turin ngenna an siam a. YLA te chuan hnatlang nei in an zawng leh ta a. Vanneihthlak takin mihring ruhro dangte leh Silai kang chhe tawh tak chu an hmu ta a ni.

Hetia hmuh a nih hian Silai chu a kang bawk nen a tuiek chhe hle mai a. Elhbun mai theih pawh a ni lo. Oil te leihin tuboh te nena an elhbun theih hnu chuan Silai chu a lo inkap puak ngei a. A cartut chauh a lo tang a ni.

Hetiang hi thil awmdan a nih avangin Tialhnawka hi mi kutpalh tuara thi ni lovin Amah leh amah intipalh a thi ni ah Lungtian mipui te chuan kan ngai ta ber a ni.

Silai man chungchang vel kha chu A silai neitute nena an mimal inkar thil a ni a. Lungtian khua anga thil sawi kha chu a dik lovang.

A tawp bera ka sawi duh chu Tv.Tialhnawka thi/bo kha Lungtian mipui ten kan tuar a, pawi kan tiin kan sun hle a ni. A chunga kan tihtheih tawk tha ber kan ti a. Kan tuarin kan lainat hle zawk a ni.

Author : Hminga Hlawncheu    

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents, Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s