DEMOCRAT-HO AN INSAWISEL TAWN TAN TA ! TRUMP TAN BUAINA CHHUM A KIANG TAN DAWN EM?

Tunlaiin US Democrats-Senator leh House of Representative zingah an hruaitute sawiselna leh hmuh tlin lohna a lian sawt hle. Senator Adam Schiff (Democrat), Senate Intelligence Comtt member chuan, “Engah nge Obama Admin khan Russia-in US Presidential election 2016 kha an khawih buai (meddling) tih hrereng si a, an bawh zui thuai loh? President Barack Obama khan hemi chungchang hi uar lutuk (over-reacting)in thil a kal pui a ni” tiin a sawisel ta. Senator Joe Manchin of West Virginia, democrat senator pawhin CBS’s Face the Nation tihah, “Obama Admin-in Russian hacker ten Aug 2016 ah daih inthlan chungchangah hacking an nei tih an hre tawh a, ngun taka endik (cross check) hnuah mipuiah puan zar tur a ni a, engmah an ti duh lo a ni” a ti bawk.

President Trump chuan Zirtawpni leh Inrinni khan Twitter ah a dan pangngai angin, Twitter hmang tangkai lehin “Nov.8 hma daihin Obama Admin ten inthlan chungchanga Russia thiltih an hre tawh a nih chuan, engah nge an chhui loh va, action an lak loh le? Engah nge Trump a chauh an chhui bik?” tiin a ziak.

Hillary Clinton leh Bernie Sanders te chuan Democratic party candidate nih tumin an inbei nasa hle a; chutih laiin Barack Obama khan Hillary Clinton a thlawp tlat vangin, Hillary buk a zan phah leh tihnat hlauh vangin, Russian hacking chungchang hi an sawi chhuak tha duh lovah thenkhat chuan an puh a ni.

Hetih lai hian Special election neihna tun hnaiah, Congressional member atan seat 2 chu Republican party-inan chan vangin, Democratic party zingah House Minority leader leh Speaker hial lo ni tawh Nancy Pelosy of California chu “Kal mai teh” tia nawr pawl an awm mek a, Democrats hotute rin tawklohna a lian chho tan hle. House seat 2 an lak theih loh chhan pawh Democrat conservative ve deuhtechuan Nancy Pelosy liberal lutuk vang leh “San Francisco value” a din pui nasat vangah an puh a ni.

Congressional member Mihang (Black) 49 zingah khuan Democrat 48 zet awmin, khungho khuan Congressional Black Caucus (CBC) invuahin pawl an din a, mihangho hmakhua leh ham thatna tur thil (black issue) ngaihtuah an duhna vangin kum 1971 a din a ni. Khung ho khuan Hillary Clinton kha Senator Bernie Sanders aiin an thlawp zawk thin.

Georgia state a hmannia special election neih khan Nancy Pelosy thlawp, Jon Osseff (32) chuan Republican candidate Handel-i (55) a hneh lova, Osseff hian campaign nan US$ maktaduai 30 chuang a seng a, ani hi Nancy Pelosy thlawp lutuk leh liberal, tiin a tling zo ta lo a ni. Handel-i khan US$ maktaduai 18 vel chauh sengin an sawi.

South Carolina ah pawh Republican an chak a, Ralp Norman chuan Archie Parnell chu vote 3000 a hnehin, thlantlin a ni. Kum 2018 ah Mid-term election chu US ram pumah neih a ni ang, mahse, Democrat ho tan chance a tha em em rih lo niin a lang.

President Trump hian a vawikhatna atan Mississipi River-lui pui thlang lam a fan tumin amah ngaisangtu mipuiten nasa takin an lo lawm a, amah lawmtute hmaah,”Engvangin nge a Cabinet ah mihausa ho hlir a thlan? sawifiahin, mi chaklo leh rethei (poor person)in US economy an khalh a duh lo tih thute sawiin, Commerce Secy ah te pawh mihausa Wilbur Ross a ruat chhante a hrilhfiah a ni. Trump a Cabinet ho hi US President awm tawh zinga mihausa-millionaire leh billionaire tam ber tum niin, history a siam a ni.

Trump-an thu a sawi lai chuan amah lawmtu mipuite chuan Hillary Clinton kha “Jail ah khung rawh!” (lock her up!) tiin an lo au khum hluah hluah a, President Trump chuan, “Democrat hote nen ram leh hnam tan tha taka thawho ka duh a; mahse, an duh tlat lo a ni…ka tan tihngaihna a vang riau” a ti.

South Carolina state atanga Democrat Representative Mark Sanford leh Joe Cunningham te chuan, “Democratic party-in leadership thar a mamawh ta” tiin, hruaitu tharin Democratic party an hruai loh chuan an chau rau zo dawnangaihna an nei tan mek (Mizorama political party thenkhatin leadership tha an tlachham ang deuh a ni ve awm e. Democrat ho zingah tuna an hruaitute ring zolo an tam tan chho hle a ni)House ah khuan Democrat hoten chakna chang leh turin seat 24 an lak belh a ngai a, mahse, tun hnaia special election ah seat 2 pawh an la thei si lo. Kansas state leh Montana state ah pawh House of Representative hi thlan tur a ni

Author :    

Advertisements

About Mizo Archive

I'm the one who collect the best writings of Mizos
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s