UK INDO LAWNG LIAN TUK THAR “HMS QUEEN ELIZABETH'” TUIPUIAH AN CHHAWP CHHUAK TA

Bible-ah Tuilet dawnin Nova’n lawng lian tak a tuk/ siam thu kan hria. Tunlai khawvel thiamna sang zel leh hmasawnna vangin Lawng lian turu buru tak tak an siam ta zel mai. UK pawhin Royal Navy tana an neih len ber leh history bung thar keutirtu “HMS Queen Elizabeth” tih Indo lawng lian zet chu Rosyth Shipyard base, Scotland atangin North Sea tuipui zau leh thuk leh pawl dum kukah thla 6 zet enchhin turin vawiinah a chhawp chhuak ta bur mai.

He British military history a record siamtu HMS Queen Elizabeth tih hi kum 2009 atanga tuk tan niin, US $ tluklehdingawn 3.8 (pound 3.5 billion) man zet tur a ni. Queen Elizabeth leh a pasal Duke of Edinbugh Philipp te chuan Scotland ah tlawhin, PM David Cameron leh DefenseSecy thint Philipp Halmond te hun lai khan a hming hi “HMSQueen Elizabeth” tih phuahin, program ropui takin an lo hmang tawh a ni.

British Royal Navy indo lawng lian ber a ni dawn a, a rih zawng pawh African sai lian chi, beng hlai tak 10,000 aiin a rit daih a, ton 65,000 zeta rit, meter 280 a sei leh 4 acres tluka hmun awh zau a ni dawn a ni!

Portmouth ah a bawk run anga, a ralthuam pai tur indo tnlawhna 49 leh Helicopter 4 a pai thei anga, Trident nuclear programs a thuam a ni ang. Kum 2023 ah khian a indo thlawhna phurh tur 49 zingah F-35’s jet fighters 25 a pai tel ang. Hna thawktu Crew 700 awmin, full staff-Sailor mi 1,600 awm thei tura siam a ni. Room kawngka 700 awmin, crew member zinga 15% chu hmeichhia an ni ang a, Muslim cook Chef 3 an awm tel bawk ang.

Indona muala che turin kum 2020 khian a ralthuam pai turte nen chhawp chhuah a ni anga, Persian Gulf leh South China Sea tuipuiah chengin, chung laia tuipuite chu a chil phuan var buah buah ang. Royal Navy te chuan Elizabeth tih hming chawiin indo lawng lian 20 dawn an lo nei tawh a,”HMS Queen Elizabeth” hming hi a vawikhat putna a ni.

Author :    

Advertisements
Aside | This entry was posted in World News and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s