US SUPREME COURT-IN TRUMP’S TRAVEL BAN A THLAWP : DEMOCRAT-HO AN LUNGAWI LO : TRUMP A NUI VUR VUR

US President Donald Trump-an America ram tihchhiat leh tihnat tumtute dan (stop) nan lehven (prevent) nana a tih vanga Muslim ram atanga US luh tumte ni 120 leh ni 90 tihtawp lailawk khapna a lo siam (presidential executive order), Court hniam zawkin a lo dan (block) sak chungchangah US Supreme Court member 9 awmten ngun takin an sawiho hnuah a then a zar an thlawp thu an puang ta rup mai. Trumpuia lawmin a khik vur vur laiin, Democrat-hote chuan “Kan dodal zel dawn a ni” an ti thung.

Nimina US Supreme Court-in Trump Admin-te ngenna (appeal) a ngaihtuahnaah Supreme Court chuan President Trump a thupek lo awm tawh sa “US a refugee anga luh tumte dilna ni 120 chhung tihtawp lai lawk leh, ni 90 chhung Iran, Libya, Somalia, Sudan, Syria leh Yemen ram atanga US zin tum hnawl (ban) na chu, a then lai pawmpuiin “US-ah chhungkaw hnai vai tak (bona fide relationship) neilote tan he thupek hi lekkawh tha” an ti ta a ni. Trump Admin chuan Supreme Court berin a hnawl sak tak si lovah chuan, a thupek lo tihchhuah tawh chu hman nghal theih turah an ngai.

Presdent Trump chuan he Supreme Court thutlukna a lo hriat chuan a lawm hle a, “Kan hnam himna tura hnehna a ni. He thil hian nasa leh lian zawkin min nghawng ngei anga, kan Hnam pumpui venghim tura hmanraw pawimawh a ni. President ka nih angin, he ram ti na tur leh tihchhiat tumtu ten he ram leilung hi an rawn rah ka phal thei lo. US hmangaih a, he rama tana khuahlehtui tha nih tum a, hna thawk rim duha rah chhuah tur siam mi ka duh a ni” a ti.

June 14 khan President Trump chuan Supreme Court-in a thupek a hnawl sak loh chuan, darkar 72 chhunga hman nghal turin a lo ti tawh niin an sawi. Democrat hote chuan Trump thupek chu a theih ang anga dodal zel an tum tih sawiin, Democratic Party National Convention Chairman Tom Perez chuan, “Kan do zel dawn a ni. He thil hian US Consitution leh Sakhaw zalenna a bawhchhia a ni,” a ti daih!

Magaret Huang, Amnesty International hotu pakhat pawhin, “He thupek hian himna a siam dawn lova, ramriah leh airport ah buaina nasa zawk chauh a siam phah ang,” a ti. Trump a thupek kumin January thla chawhnu lama bawhzui a nih khan, Airpor tam taka security checking a tihbuai phah hle a nih kha.

Supreme Court member 9 zinga conservative zual Justice Clarence Thomas, Justice Samuel Alio leh amah Trumpuia appointed Justice Neil Gorsuch te phei chuan Presidential Executive Order lo awm tawh anga tihpuitlin vek an duh tih an sawi a ni. Sean Spicer, White House thupuangtu chuan, Supreme Court thulukna chu “9-0 a ni ber” a ti hial.

Author :    

Advertisements
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s