GERMANY-AH “SAME-SEX MARRIAGE” AN PAWM VE TA RUP MAI

Nimin june 30 ah Germany Parliament (Bundestag) chuan “serh nei in angte inneihna” (Same-Sex Marriage) chu vote 393-226 in an pawmpui ve leh ta, mi 4 erawhin an vote duhlo (absent) a ni. He same-sex marriage vote lakna turah an inhnial nasa hle a, mahse, a duhtu, pawmtu an chak ta zawk a ni.

Angela Merkel, Chancellor erawh chuan he same-sex marriage hi a duhlo zawngin a vote a, “Keima ngaihdanah chuan inneihna chu Hmeichhia leh Mipa inkarah a ni” tiin, a kaihhruai Christian Democrat Union (CDU) leh a thawhpui Social Democrat leh German Green party MP te chu “An chhia leh tha hriatna thiang tak” (conscience) hmanga vote thlak tura tih an ni a, tichuan vote 393-226 zetin “same sex-marriage” phalna chu pass a lo ni ta a ni. Kuminah dana hman theih turin tihfel a ni ang.

Same-Sex Marriage nupa te chuan fa lak (adoption) an ti thei anga, engkim chu Dan angin dikna (legal rights) an nei ve tawh dawn a ni.

Angela Merkel-i hi hetiang same-sex marriage inneihna (gaymarriage) dodal nasa ber thin niin, Thawhtanni khan a ngaihdan lungpui nghet ang maia alo din puinna thin chu thlak chho hlekin, hetiang hian Bundestag-ah vote lak a lo rem ti a ni. Amah hi East Germany a piang, Pastor fa nu niina pa-in an khua Templin hmuna Biak In pulpit hmuna mittui tla chunga Berlin Wall, 1961 a Soviet Union awp chin, communism vanga siam dodaltu a ni. A pa in pulpit a Aug 13, 1961 a mittui tla chunga a thusawi chu a naupan lai mah nise a hriatreng thu sawiin, a politic zuan luhna chhan pakhat niin a sawi.

Voker Back (56), veteran Gay right campaigner leh kum 23 chhung zet German dan siamtu (lawmaker) lo ni tawh chuan, “Vawiin hi hnehna ni a ni” a ti. German Lesbian and Gay Association te chuan thuchhuah siamin, an lawm hle a,” Germany chuan hmangaihna atan vote a pe ta. Vawiin hi Ni danglam leh chhinchhiah tlak, hriatreng tlak ni” tiin,”Patil leh Mawngkawhur/Tuai tan chauh ni lovin, democracy dik tak a lo thleng ta” tiin, lawmin an kut an beng ring hle.

Christian Democrat Union, Social Democrats leh German Green party te chuan dodal thin mahse, a do zawngin MP’s 70 chauhvin vote an thlak a ni. Johannes Kahrs, Social Democrats hotu chuan, “A nihna takah chuan Frau Merkel, engmah atan a lawmawm e!” tiin, an Chancellor Merkel chu a tawng el khum a ni.

Kum 2001 ah same-sex nupa tan “life partnership” phalsak an ni a, mahse, dan ang taka inneihna ang erawh a ni lo. Kristian democrats voter 62% chuan mite intluk tlanna (equal rights) erawh an pawmpui a ni.

Germany danah Article 175 ah chuan, “Mipa in a mipat pui emaw, ramsa emaw a pawl” chu khap tlat a ni a, kum 1871 daih tawha dan awm chu kum 1935 a Nazi hote – Adolf Hitler hruaite chuan chak leh khauh takin an lek kawh a, gay mi 50,000 man khawmin mi 42,000 chu hrem niin, kum10 hrehawm taka hna rim thawk chunga jail bang zut tir an ni a, Concentration Camp-ah Third Reid hnuaiah dah an ni

Author :    

Advertisements
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s