Hindu Temple chhunga anchhe kengtu khawnvarte chu

• Khawnvarte lak avanga na chu.
• Khualzinin Temple a khawnvarte a la.
• Ramhuai ten mi an ti na thei em?

RAMVAK HAN TIH HIAN RAMCHHUAH LEH RAMSA TIHHLUM LAM A KAWK KHER LO.
Ka kum a lo upat ve hnu deuh phei chuan a ni lo lehzual Ramngaw hnuaia ka vah vet laia ka thil dangdai tawn te hi han sawi ta ila.

Nilgiri tlang but thut hmarlam ramngawin bit leh chhah taka a khuhna hmun, a khaw thlang lam pangin fur ruah a dawn that em em laia, a khaw chhak lamin ruah tui a dawn meuh lohna hmuinah hian khaw ram, temple leh kulh hlui tamtak hmuh tur a la awm danah hian, kum zabi tam tak kaltaah khan henglai velah hian mite an lo cheng tawhin leilet te pawh siamin an lo inbengbel ve tawh hle tih a hriat theih a ni. Ramngaw hnuaiah pawh leilawn sang pui pui hmanlaia an fo dawh hmuh turte pawh a la awm a ni. Heng thil thleng hian hun kal tawha henglai mi chengte lo fin zia a tarlang chiang em em a ni.

Henglai hmun a an ranvulhna hmun (cattte patty) buh tin hnih hmun tiat a lian leh an bawng tlat tirna hmun phul rai zau pui pui chanchin chu sawi sei lo mai ila. Ka sawi duh chu temple ropui tak pakhat hmanlaia an lo din tawh an rauh san tak kawngpui a tanga mel chanve vel zeta hlaa awm chu a ni. Brahmin puithiam thianghtimte zing atang pawha a thianghlim zual bikte chauh tlawh phal, a hual vela Theipui kung an phun tlar seng mai te chu tha taka la vawn that tlat an ni a. A kawt zawl tura an zuah awl te leh lungpui lian pui pui atanga lung ban ropui tak tak an ker te chu a la hmuh theih a. Thing kawngka feet chanve vel dawn laia chhah thlen phei hma chu chutiang ang lung ban (Pillar) awn deuh pei pei sang pui pui chu kal pelh a ngai a ni. Kawngka lian ropui tak a vawnna chu dara siam a ni a. A kar hawnna fawng pawh chu a hrawl thain, pawn lam atanga kar hawn theih turin an siam a. A kawngkhar pawh khar lehna chhung lama an vuah pawh chu a la awm reng a A kawngkhar kawpza thir tuiek chhermam that lohva vuah tak pawh chu a la inkhai reng a. a chhunga lut tura a kawngka pahniha han hawn zawnga a in nawt ri rawt rawt mai chu a rapthlak khawp mai. A kawngkhar chhung lama han luh veleh a kawngkharte chu amahin an rawn in khar khup mat a (Hei hi a kawngka invuah awn deuh avang pawh a ni mai thei) Kawngkhar han in khar ri chuan, ‘ Hmun thianghlimah i awm ta, i tlan chhuak thei ta lo’, min ti hi a ang duh khawp mai.

He temple bik hi chu lungchang chi (Granite) hlir hmanga sak a ni a. A kawt zawl tlemte chu a tlawhtu ten eng eng emaw an tihna hmasak tur an dahna hmun anih bakah lunga siam Tuichhunchhuah ropui tak a awm bawk a ni. Granite lungchang chia siam leh rem chhuah dap a ni a. a zau zang leh a thuk zawng chu feet 150 vel a ni. Tuichhunchhuah chu chhung lamah lungchang chia rem chhuah vek a ni a, a remna thenkhat te phei chu chhung lamah an tla lut tawh nghe nghe a ni. Tuichhunchhuah chhungah chuan tui pawh a awm tawh awmin a lang lo.

Hemi hmun atanga ngil taka mel khat chuang vet zet tura hlaah hian lunga siam kulh ram tawh a awm, a a hual vela tuikhuah an siamna lei laih khuar pawh a la awm vek bawk. Heng lai hmun hi ramngawin tunah chuan a khuh deuh vek tawh a ni. Henglai ramhnuaia Iratis hnam cheng hote chuan heng kulh leh temple hmun te hi tlawh pawh lovin an awm ang angin ramdaiah an thlah zal tawp mai a ni. Hmakhawsang a lo cheng tawh, thi boral tawh thlarau chuan chung lai vel chu a la chamchilh reng thin niin an ngai. Tumahin chutiang thil danglam lo thlen hun lai tak chu an sawi thei lo. Heng thil lo thlengte hi an tute hnenah an inhlan chhawng ta zel a ni. Heng thil danglam lo thlen hun hi kum 200 300 emaw a aia tam hun kal tawha lo thleng pawh a ni zawk mai thei. Chutiang ai pawh chuan rei zawk mai thei bawk.

Khawsikpui hri a lo leng chiam mai a, chu chuan mi tamtak a suat hlum teuh mai a ni. Chu hripuiin a man tawh te chuan a tuk leh ni chhuak an hmu pha tawh ngai lo. Doctor an awm lova, a tihdam ngaihna a awm bawk hek lo. Mite chu hripuiin a manna hmun apiang maiah chuan an tlu sawp a, tho chhhuak leh thei tawh ngailo turin an tlukna hmunah te chuan an boral nghal zel a, tumah thlan laia inphum tur bik pawh an awm chuang lo. Mitthi ruang tawih uih rim chu chutilai atanga met 7 vel zeta hla Kalhatti khaw tlang chhip panna lai kawng chanve vela awm atang pawh chuan a hriat theih a ni, an ti. A dam chhuak chhun te chu thihna phai ruam atang chuan an bungrua pawh chuh hman lovin an tlan chhe ta a. chutichuan chu lai hmuna mihnng finna leh changkanna ( Cividzasion) chu a lo tawp ta a ni.

Ramsa leh rannung te chuan mitthi ruang ro tawih tawh te chu tlan ralin ramngaw thingte pawh chuan zawi te tein mihring chenna hmun khuate chu a rawn khuh bo zo ta a ni.

He khawsikpui to thleng hi eng hn tak nge ni ang tih chu mi tumahin an hre thei ta lo a. Heng tawrhna nasa tak, hri leng inkaichhawn theih avanga thleng hi hripui leng tawh chinah chuan a hlauhawm ber pawl a ni ngeiin a rinawm. Heti lai hmuna mihring lo cheng hmasa te zawng zawng hnawt tiau vek thei leh lo kir leh tur awm lek lova siamtu a ni. He temple thianghlim chhung ‘Holy of the holies -ah ngat hi chuan hmakhawsang atang tawhin mi tumah pawn lam mi an la luh tir ngai lova, a bikin sa ei mi te leh ram pawn lam mite hi an luh tir phal ngai lo bik thin a. Hmanlaia an Brahmin puithiam ten saruak leh pheikhawk pawh bun lovin sakhaw rawngbawlna hmunah an lo hmang thin a ni. Heng thil te avang hian helai hmun thianghlima i pheikawk (Boot) bun chunga i luh vaih chuan nangmah leh nangmah pawh mak i inti hial zawk ang.

A chhung kil tawp lehlam chu lei hmanga dawhsan a ni a. Chumi chungah chuan thli lem chi hrang hrang, lung hmanga ker an hung tlar a. Hindu ho sa serh Bawngpa lim a tam ber a ni. Ka hriat dan chuan Bawngpa lim panga vel intia lo thalh an ni a. Bawngpa limte hi an bawk lai lem a ni deuh ber. A lian ber hi feet khat chuang vela sang a nia, feet hnih leh a chanve vela sei a ni bawk. A te ber erawh chu kut zungli bawk vela sang leh inches sawm vela sei a ni. Kil khatah chuan hmanlai khawnvar inches 6 vela sang awm hi an hung bawk a. Chu chu dar atanga siam a ni thung. A rei deuh tawh avang leh thimin a bawm avangin a thim ruih mai a. A tui (Oil) thunna lai tur a awm bawk a, a phita te engkim felfai takin a nghahchhan tur an siamah chuan a innghat mai a.
He a nghahchhanah hian pathian (em eng eng emaw te an ker mawi bawk a ni. He temple-ah hian ramhnuaia ka chhar chawp khuaizin te (tounst) ka hruai tawh a. He temple awmna hi min zawt a. a chanchin an lo hre tawh niawm a ni. Amaherawh chu ral a tang chuan a awmna lai tak han inhrilh hriat chu a har hmel deuh si a. Chuvang chuan keimah ngeiin ka va hruai ta mai a ni.

Ka mi hruaite chu mi pali an ni a Holy of holies chhungah chuan kan lut ta a. Lunga ker Bawngpa lem ‘Nandies’ an tih mai chu kan thlir hova. Tourist zinga pakhat Captain Neicte Ran tih chuan khawnvarte (lamp) pakhat chu, Ka duh e’ tih leh paipawn a rual ta mai a. A ipte a hnawh luh pah chuan. “He thil hi chu he temple hriatreng nan hian ka duh a ni.” a ti ta mai a. Kei chuan, “Khatiangin an ti ngailo”, tiin ka lo hnial a. A nupui pwmawh chuan min lo puibawm vein.” Jolin, engatan mah i ti dawn chuang hlei nem Ie,” a lo ti ve bawk a.

Temple kan chhuahsan hnuah chuan ka rilru te tein tuma hriat phakloh khawpa rei kum za engemaw zat chu khawnvarte chu a hunna pangngaiah tuma tihbuai lohvin a lo in hung a. chutia han ah hawn tak mai chu ka lo zak zawk angreng khawp mai. Tichuan ka buk lam chu ka pan san ta a.

Tourist ho chuan tlangchhip lama Ootamund khaw lam chu an pan ta a. Chutah chuan ninga vel hmun danga an kal leh hma chu chawlh rih an tum thu te pawh an sawi nghe nghe a.

Nili hnuah chuan kawngpui dunga ka kal lai chuan Taxi dum leh enga tial Ootamund atanga lo tlan thla chuan min rawn tlan pel a. Pih deuh takah chuan a ding ta a. A mak ka lo ti deuh hle a. Chunglai ramhnuaiah te Taxi a lo tlan ngai si lova. Fimkhur takin ka va pan phei a, a chhung ka han bih chuan Captan Neide chu a hnung seat-ah chuan blanket sinin, lukhamin hi a lo in kham tung ut a; damlo hmel hi a ang hle mai lehnghal a. A bualah chuan Mrs Neide chu hmel dang tak leh hlauhthawn hmel takin a lo thu ve bawk a.

‘Mrs Anderson. kan hmu che chu ka va han lawm tak em ‘ John-a chungah hian engemaw thil rapthlak tak a thleng a ni’, a rawn ti a. Chutichuan Ootamund an thlen tlai atanga a pasal damloh dan te chu min hrilh ta a.

A pasal chu a khawsik a avangin a chau em em mai a. Doctor te an ko nghal a, doctor chuan nisa a tawrh nasat avanga chutiang thil chu a chunga lo thlengah ngain ‘Sunstroke’ enkawlna hmangin a lo enkawl mai a. Nimahse zan lamah chuan Mrs Neide pasal khawsik temperature chu 106 Fahrenheit a kai chho ta mai a. A san avang nge ni a lo na ä ta bual mai a. A nupui mangang chuan doctor chu an va ko leh ta a. Neide chu damdawiin lamah an admit zui ta a. A natna chu Blackwater fever emaw Malaria nasa tak emaw tura ngaih a ni a. Quinine an lo pe a, amaherawh chu damdawi chuan a chhawk vak lem lo a ni. A nithum niah chuan Neide chu a lo na zual ta hle mai a. Hospitala thawk hote pawh chuan enge a natna tak chu an hre fuh thei bik lova. A nilina-ah chuan a nat at buatl lai atang chuan reivaklo a lo harhchhuak a, chau aw tak hian a nupui hnenah chuan, ‘Margaret, kha khawnvarte temple atanga ka lak ngei kha dah kir leh tur a ni. Kal la, Taxi emaw a remchang chang va zawng rawh. Vawiin ngei hian keimah ngeiin ka dah kir leh loh chuan naktuk hi nungdamin ka hmang tawh dawn lo a ni.’ a rawn ti a.

A nupuiin doctor hnena chutiang thu a han hrilh chuan doctor chuan. ° Madam, a natna avangin a tawngvai a ni’ tiin a lo nuihsan mai si a. Mrs Neide chuan doctor ngaihdan ang ngawt a ni lo tih chu a hre reng mai si a. An thlenna hotel room a stool chungah chu khawnvarte tihbaiawm zet chu an hung a, enloh theih lohin a awm reng mai a. Doctor hnenah chuan.” Taxi ka la ang a. khawnvar dah kir tur hian ka hruai dawn a ni. Kan dah kir loh chuan thil thalo engemaw tak a chungah hian to thleng dawn tlata hnatna ka nei a ni,” a han tia. Doctor chuan.’ Mrs Neide. i pasal hetiang dinhmuna a awmlai le nghal a i hrut chhuak a nih ngat chuan kei chuan a mawh ka phur hauh lovang. Amah hi a chau nasa mai si a. chhuah phalna pawh ka pe thei hek lo vang che, ” tiin a lo chhang a. Mrs Neide chuan doctor thusawi chu a pasal hnenah chuan a hrilh ve ta a. Amaherawh chu Neide erawh thung chuan,” He khawnvar hi dahkir tura min puih loh chuan naktuk tun ang hun velah hi chuan ka thi tawh ngei ang le,” a lo ti a.

Mrs Neide chuan, “John, keimahin ka va dah kir mai dawn em ni ?” tia a han zawh lahin Neide chuan, “Ni lo, ni lo, keima lak sawn a ni a, keimah ngeiin ka dah kir leh tur a ni,” a lo ti tlat mai si a. Chutiang vel anih avang chuan a nia hetia ramhnuaia kan intawn tak ni.

Engmah sawilo chuan a driver bulah chuan ka inthawlh lut ve thuai a. Chamanath Patty panna lam kawng chu ka kawhhmuh zui ta nghal a. Kan piah lawk chu temple awmna chu a ni tawh naa, motor a kal thleng thei lova, kea kal angai tawh a ni. Captain Neide chuan nikhua a hriat lai tak a ni a. Amah ngei chuan khawnvarte chu dah kjr leh a duh a. Mahse a dinhmun han enin a tlin lo tih a lang reng mai a. Kei chuan, “John,i pawi tih zia i lantir tawk tawh bawk e, i theih ang tawkin khawnvarte hi dah kir leh tumin i theihtawkin i rawn bei tawh a. Hei i theih anga hlaah chuan i rawn thlen tawh alawm. Temple a awm pathian pawhin a hrethiam ang che. Mrs Neide nen heti i mut chawlh lai hian min han dah kirtir mai teh” ka han ti a. Min chhanglet tur chuan a chau lutuk lam tawh a ni.

A mit chuan a remti tih nan min rawn melh a, Chutah Mrs Neide chuan khawnvarte chu kengin temple lam pan chuan min zui ta a. Temple luhna kawngkhar hlui tawh tak mai chu kan luh zawng chuan a inhawng ri ruai ruai a, chutah amah bawk chuan a inkhar zui leh ta khup mai a. Maicham chunga lim panga hmaah chuan kan va ding dun ta a. Mrs Neide chuan dara siam khawnvarte chu a awmna hmun ngaiah chuan a han dah 1ut leh ta a. Chutihlai chuan amah pawh chu a ruka hmuiphun chungin a tawngtai tih ka hmu thei a. Chutichuan ngawi rengin Taxi awmna kan pan dun leh ta a.

Taxi kan va thlen chuan Neide chu tui tak mai hian a lo muhil bawrh bawrh mai a. Tum lawk reng vang pawh ni lovin a chal chu ka han dawm sak a. A thlan chu a lo tla bawrh bawrh mai a, a thlan tui te chu a biangah te chuan a luang thla ngiai ngiai a, a khawsik chuan a kalsan tawh tih a hriat mai a. A chal ka han khawih zawng chuan a lo dai diai tawh a ni. A nupui nen chuan a blanket sin laite chu kan han sin that tir leh a. Taxi kawngkhar darthlalang pawh chu kan herh phui sak ta bawk a. Chutichuan Taxi driver chuan ka hrilh angin Ootamund hmuna an thlenna hotel lam panin min phur kir leh ta a ni.

Chumi hnuah chuan damdawi in pan tulna a awm tawh lo. Neide chu a dam leh ta viah mai a ni. Taxi a an tlan liam dawn lai tak chuan a nupui bianga lawmna mittui luang ngiai ngiai chu ka va hmu thei a ni.

Awle. chhiartu duhtak he chanchin danglam takah hian eng thil chiah nge inphum tih chu nangma ngaihdanah a innghat ta a ni. A hrihfiahna pawh i thu thu a ni ta e.
********* A TAWP TA **********

Retold from Mihrang leh Sahrang by Kenneth Anderson &nbs;  

Advertisements
Aside | This entry was posted in Thu Ngaihnawm, True Story and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s