Hmar Student Association hruaitu hnenah ILP dil a ni

OFFICE OF THE HMAR STUDENTS’ ASSOCIATION (HSA)
Ref.No.:HSA/GHQ/­INFO-PUB/16-19/08
Date: 8thJuly, 2017
PRESS RELEASE

HSA General Headquarters a kan hruaitu lian Pu Lalringum Sanate, CEC member & Assam State Co-Ordinator, Hmarkhawlien khua Assam chu Vairengte Police Check Gate ah Inner Line Permit(ILP) dil/phut ani ta mai hi pawi kan tiin hriatthiam harsa kan ti hle a ni.

Date. 7, July, 2017 khan Pu Lalringum Sanate chu Kolasib Rengtekawn Mizoram ah a thiante inneihna chhim tura a rawn chho a. Vairengte an rawn thlenin Police Check Gate ah a kal tumna leh Mizoram a rawn kal chhante tha taka hrilhin a in report-a, Check Gate -a Police Duty te chuan,”Mizoram pawna awm i nih avangin ILP i neih loh chuan i luttlang thei lovang” an lo ti ta mai a ni.

Zofate zawng zawnginkan Jerusalem anga kan ngaih, zofa hmun hrang hranga awm te kan mit fukna leh kan ngaih, Zoram chhungah ngei kan sorkar Police Duty thenkatin kan hruaitu lian ve pakhat,ILP an dil/phut mai pawh duh tawk lova hmusit leh diriam taka Duty ten tawngkam an chhuah leh zelte kha Zo leh Zo inti si te inbiakna tawngkam tur chuan na kan ti hle a ni.

Zoram chhung leh pawnah tlawmngai pawl hrang hrangin Zofate in unauna siamthat tuma beihpui kan thlak mek lai a, Police Duty thenkhatin in unauna ti chhe thei ang zawnga hma an lo la hi kan dem tak zet a ni. ILP hi Zofate himna a nihna angin HSA pawhin hnam dang (Non-Mizo) a ruktea Mizoram chhunga luh tum le awm mek taw te dap chhuahna hna a thawh mek laia HSA hruaitu ILP an lo dil/phut le tlat mai hi rilru nat thlak kan tiin kan hrethiam lo.

HSA General Headquarters chuan hetianga mahni unaute ILP lo dil/phut zut zut chingho hi chu ramri depa Duty tlakah kan ngailo a, date. 7.7.2017 a Duty te kha an chungah an phutawk hremna pe ngei turin thuneitute kan phut a ni. Hetiang tih ching an awm fo chuan Zofate hi inpumkhat ai mahin kan inkar hi a khi zau tulh tulh ang tih a hlauhawm hle. Tlang hrang hrangah awmin kan awmna state leh ramri in min then mahse, unau chhulkhat chhuak kan nihna hi chuan min then lul suh se.

Zohnahthlak tawng hrang kan hman avanga in en hrang tur kan ni lova, zohnahthlak peng hrang hrang ten kan Culture nun phung, tawng hrang hrang kan hmana kan chawisan a, kan vawn nun zel hian Mizo hnam hi a ropuiin kan thanglian zel a ni tih hi Zoram chhung leh pawnlama awmtepawn i hre thar zel ang u.

Sd/-
(Oliver Sungrohlun)
Secy. Info & Pub
Hmar Students’ Association
General Headquarters

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s