Engtin nge NEWS ṭha lo hian Finance Khawvel a nghawng daih zel a ?

Donald Trump Jr. email put ruah Russia Official pakhatin Hillary chungchang thu ṭha lo a kawl thu vela an indawrna haichhuah a han nih chiah khan khawvela Stock Market hrang hrangah nghawng a nei nghal a. S&P 500 chu 0.5% ina tlahniam nghal a. The Dow pawh 0.4% a tlahniamin Nasdaq chuan 0.1% chauh an hloh a.

Heng market-a 1% lek pawh hi a maktaduai tel chuang fe a ni ṭhin tih hre ta phawt ila. He Stock hlutna tlahniam hian khawvel pumpui min nghawng zel mai si a, mi tam tak tân chuan a mak tih loh theih a ni lo.

Hetiang hian indona chanchin te, ram khat hruaitu lû ber thiltih avangin stock hi a tlahniamin a ṭhang chho thei tlat mai laia hi sawifiah i han tum teh ang. News hrang hrangin Stock man a tihhniama a tisan theih miau avangin Pawisa Peipungtu (Investor) chuan Company hrang hrang stock, bond, shares te chu an leina man aia sang zawka hralh inbeiseiin an lei ṭhin a.

Nimahsela, heng stock, shares etc te hi an hlutna pung tur chuan demand (mamawhna) a sang hle tur a ni. Mahse, stock mamawhna sang tur chuan Investor-te khan share an leina company kha ṭhanglian zel tur leh kum tina an pawisa thawhchhuah kha pung zel turin an rin ngam a ngai ta a.

Tichuan Stock Market kan tih chu tun maia thawhchhuah nei ni lo, nakin hnu zel pawha thawhchhuah pung zel nei tura rinngamna hmanga khalh kal a ni ta tihna a lo ni ang. Northorp Company hi ralthuam siamtu lian ber zinga mi a ni a. Tunah hian US hian N.Korea hi ralthuam hmangin a bei dawn tih thu chiang takin lo hre ru ta ila. Chu ve leh Northrp Company Share chu huai takin ka lei nghal ṭeuh ang.

A chhan pawh silaimu leh silai bakah ralthuam mamawhnaa sang thut dawn tih ka chian êm vangin chung thil siamtu chuan nasa takin pawisa a thawkchhuak dawn tih ka hre tlat a ni. Chu chuan Company hlutna siam belhin an share hlutna pawh a pung hluai dawn tlat, demand a len avangin.

Europe emaw US hian Saudi Arabia ram nen oil hmanga insumdawn tawnna kawngah inremsiamna ṭha tak emaw ṭha lo deuh, oil hralh kawnga harsatna thlen thei ang chi lo siam ta se. Standard Oil (Rockefeller Co.) hlutna chu a sang dawrhin a hniam dawrh thei dawn a lo ni a. Hei bakah hian mipui thil ngainat zawng, thil man tur hisapna, pawisa tam thut vanga thil man tona, ram khat economic policy etc angte hian Stock Market hlutna hniam leh san kawnga kawngro sutu kan tihte hi a lo ni leh ta a.

Tichuan, thuthar lawmawm leh ṭha lovin tiang hian Stock Market hi an lo nghawng ṭhin a lo ni a. Trump Jr a email avangin Russia nena inlaichinna nei sumdawnna lianpui pui lakah khawvela market lian ber ni ṭhin US mipuite chuan heng company thilsiam lei loh mai rinna avangin khang company lian share kha Investor tam takin a hlutna hloh turah an lo ngai ta mai a ni e.

Author : Lalremliana Pachuau    

Advertisements
Aside | This entry was posted in Hriatzauna and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s