Sialhawk ze khel chungchang report.

*A tobul them*
IKK ah hian Kross sen leh a var an awm tih chukan hre hlawm awm e. A sen lampang an ni a. Kum 2002 atang khan maicham (inpawlhona in) an zinga Pu Zaneihthanga inah an nei thin a. Kum 2007 ah chuan thlawhhma hran neiloin he inah hian an maicham ta thin a. Kum khat chu thlawhhma pawh neiloin an awm a nih chu. Hemi hnu hian zan lamah chauh nei zelin chawlloin he maicham hi an la kalpui a ni. Inkhawmna in hi a hranin an nei bawk.

Kumin 2017 April ni 8 atang khan hming thar an nei ta a. Chu chu Jerusalem Thar Isua Krista Kohhran tih a ni ta a. Hmun dangah peng leh zawmpui an neilo. In 14, member 50 vel an ni. An zingah hian Pi Nguri a awm a, heta thu lo thleng hi May ni 3 hmalam kha chuan an ring ber a. Midang ah pawh a thleng tho. Hruaitu bik an awmlo a. An inkhawmah pawh a lo thlen dan ang angin an awm mai a. Tumkhat phei chu zing dar 10 vela an inkhawm hi zan dar 7ah an bang a. Engmah an eilo.

Form hi 2015 April ah a lo thleng(nei thar) a. Kawngzawhna ah te an ha thin. Tunah erawh chuan inkhawm naah pawh an ha. Hmeichhiain puan chei leh kawrvar, thangchhuah diar shah angin an bata, mo khim angin hairbend ang deuh hi a vara cheikual, pangpar var tihbeh leh thi var an awrh a. Mipa chuan westcoat thangchhuahpuana thui, kamis var leh kekawr dum an inbel thung. Krista mo tur atana inbuatsaihna lantirna a ni a. An inpeihsa diam a ni.

Thawhlawm hran an neilo a, a lo thleng a nih chuan sawma pakhat pek tum te an nei leh mai. May ni 3. 2017 zan khan tlanga maicham(tawngtaina) an neih laiin tleirawl pali, mipa pakhat leh hmeichhia pathumah te thuthlung a lo thleng ta a. A thlenna ber chu Thlengi a ni. Heta tang hian Pu Nguri chu a awl ta der a ni awm e.

Heng tleirawl pali zinga Mahruaii hi plus 2 zirlai a ni a. He an rau chan avang hian zirna a chhunzawm thei ta lo. A bak pathumte hi chu Class X an nihlaia chawlhsan an ni a. Tun hnai thilthlenga chawlhsan an ni lemlo. Kum 17 atanga 20 inkar an ni.

*Mutdun chungchang…*
Ze khelh an nei a. Chu chu chu zorama mipat hmeichhiatna lo hluar ta lutuk hi a ni. Thu a lo thlen chuan an mutbu an la a, kawngpui lun lai waiting shed ah te an riak mai a. Tiang anga an riah hi zan li a ni tawh a. Zan indawt kher pawh a nilo. A lo then dan azirin Bible an chhiar a, emergency light an chhi mai a. Pheikhawk an bun lo a, thawh hun pawh hi a changin zing dar 8 ah chat thawh tur a ni mai a. A changin dar 7 ah. An puan phah tur pawh pakhat chauh an phah thei a ni. Ruahsur ah pawh an thulh lo a. Zankhat phei chu an mut hmain blanket an sawr tluk tluk thei a ni awm e. Chuti chung chuan khawlaia riah an thulh chuanglo. Ruah sur dan chi a nilo.

Mi pali, mipa pakhat telin a ni a, thlalak kan hmuh thinah khan kawp hnih leh a chuang pakhat single a mu kan hmuh kha. Mipa pakhat hi an riah tum hian a lang ve a. Tunah chuan pali hi pumkhat an ni a. An pali an kimloh chuan engmah a thleng theilo.

Khawlaia an riah hian a laiah pakhat mu bik a awm a. Hei hian thianghlimna a entir a, an inkarah hian zu, tuibur, zial, khaini etc an dah a. Hei hian zoram ringtu te kan tawp zia, heng thilte hian min chiahhneh zia a entir a.

Kan sawi tak ang khan a kawpa mute hian sex lama mizoram bawlhlawhzia a lantir a ni. An mahni hi zakzum tak tak an ni a. Hetiang tih hi an zak a, an hreh hle a ni. Mahse thu lo thleng an tilo thei silo a ni ber awm e. An riah leh hun tur a sawi theiloh a. Eng tiangin nge thu a lo thlen dawn pawh a hriatloh. Patling ho lamah pawhze dang daihin lo thleng thei a ni ve tho mai. Tuman an hrelo….

An awmdan hi a dik e, a tha e tih sawi ka tumlo a. An kalsual a, an khawngaihthlak tih poh kan sawitum a nilo. Tunlai th awmzia pakhat a ni a, kan hriat chin kan tarlang mai a ni.

Ma Hmuna. Dt 15th July, 2017

Advertisements
Aside | This entry was posted in Zoram History and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s