ASSAM TUILIAN: KUM 29 CHHUNGA ASSAM TUILIAN RAPTHLAK BER

Assam chuan tun kum 30 dawn (kum 29) chhunga tuilian rapthlak ber a tuar mek a, nimin, Pathianni lama mi 10 an thih belh leh ni a report te nen tun dinhmunah hian Assam tuilian avanga nunna chan zat chu15 a tling chho ta a, tun darkar 24 kalta chhung ringawt khan he tuilian hian mihring Nuai 10 chuang nunphung a a nghawng a, Assam state a district 21 a mihring Nuai 15 velin he tuilian hi an tuar mek a ni. Kaziranga National Park pawh 85% chu tuilian hian a chim (inundated) tawh bawk.

Tunah hian mirhring Nuai 1.83 te chu relief camp 439 suanchhawh tawh an ni a. Indian Army, Indian Air Force, National Disaster Response Force leh State Disaster Response Force ten theihtawp chhuahin chhanchhuah leh chhawmdawl hna an thawk mek tih state project co-coordinator of Assam State Disaster Management Authority (ASDMA) Rajib Prakash Baruah chuan a sawi. Hriattheih chinah thingtlang khua a cheng mi 3,000 bawr vel te chu nimin Pathianni khan chhanchhuah a relief camplama suan luh an nih thu defence PRO Lt. Col. S Newton chuan a sawi bawk.

Brahmaputra luipui lian chuan Kaziranga National Park hi chim in, hmun tam takah chuan feet 6 a thuk te in a chim a,hemi avang hian ramsa tam tak thenawm district, Karbi Anglong lamah inhumhimna zawngin a tlanchhiattir a ni.

“Ramsa thi zat dik tak hi tuilian a kam fel hnu-ah chauh kanhre thei ang,” tiin Kaziranga divisional forest officer Rohini Ballav Saikia chuan a sawi a, tuilian hian dan lova sa pel thin te venna camp (anti-poaching camp) 188 zinga 148 zet chu tuilian hian a chimpil vek niin a sawi a, hriattheih chinah Samak Note 4 chhanchhuah an ni tawh a ti bawk.

Hmun tam takah Rel kawng leh inkalpawhna kawngpui a chim avangin Rel 14 vel zet chu hmun hrang hrangah an tang a, NH 37 pawh a chim nasat avangin lirthei tam tak chu kawngpuiah an tang mek bawk.

Kumin April leh July thla khan Assam hian kumina tuilian hmasaber alo tuar tawh a, mihring 85 in nunna an chan a, mi Nuai 19 vel nunna a nghawng a ni.

Author : Kiddy Vanchhawng Vanchhawng

Advertisements
Aside | This entry was posted in National News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s