SORKARNA CHAN CHUAN BUHFAI KG KHAT CHENG KHATIN SEM DAWN, THALAI NUAI HNIH HNA PE BAWK ANG – Prof. JV Hluna

Mizoram ah sorkarna kan chan hun chuan buhfai Kg ah cheng khatin kan sem dawn a, thalai mi nuai hnih hna kan pe ang, BJP Mizoram President Prof.JV Hluna chuan a ti.

Aug 12 khan BJP Aizawl District chuan khawpui chhung BJP Unit hruaitute tana infuih tharna an party office-ah an buatsaih a, Pu B.Lianthlira District President chuan chawhma hun hi a kaihruai a, State President Proj.JV Hluna’n thu sawiin, “BJP chuan ram hmasawnna a ngaipawimawh ber a, a dawtah party, a hnuhnung berah party worker te a ni a, heivang hian kum thum lek Central-a kan sorkar chhung hian ramin nasa takin hma a sawn a ni” a ti.

Pu Hluna chuan “Mizoramah pawh kan sorkar ngei dawn a,kan sorkar hunah Mizoram mipui zawng zawng hnenah buhfai Kg ah cheng khatin kan sem vek dawn a, heng bakah hian buh leh bala intodelh, kawng tha, tui thianghlim,power leh industry lian din kawngah chak takin hma kan la anga, Mizo thalai hnenah sorkar hna nilo, sector dang atangin mi nuai hnih hna kan pe ang” a ti bawk.

Hun hnihnaah District Vice President Pu MC Awia’n thu sawiin Congress hian Mizorama BJP lian zel tur hi hlauin dawt hmangin nasa takin BJP hi an bei a, Kristianna nena inrem lo ang hialin an chhuah a. Mahse ram pawna awm, kan Missionary te hnen atanga report kan dawn danin BJP hi Kristian te humhimtu niin BJP sorkarna hnuaiah chuan rawngbawl anuam in a zalen tawh a ni, a ti.

He hunah hian Aizawl District-a Unit hnrang hrang hruaitute an tel a ni.

Author : Vanneihthanga Vanchhawng

Advertisements
Aside | This entry was posted in Zoram Politics and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s