UNAU PAHNIH KHATIN MIZORAM MIPUI LEH DEPARTMENT 10 TEL AN ENKAWL A, KAN KAWNGPUIIN A TAWRH PHAH A NI – Dr R Lalthangliana

12th August, 2017 khan Sihphir YMA Conference Hall, Arpu-ah ‘Joint MNF SEDP Training Programme’ hun hman a ni a. Khuallian MNF Vice President, Dr.R.Lalthangliana chuan thu sawiin; “Congress sorkar hi kum 9 a kal ta a, unau pahnih khatin Mizoram mipui leh sorkar department 10 tel, an enkawl a, department lian PWD leh P&E te an enkawl a, kan kawngpuiin a tawrh phah nasa a, hmasawnna engmah an paw chhuak lo. Cabinet Minister dang ho chu portfolio-ah an inpuitlang thei lova, Pu Hawla chu a nau Cabinet Minister-in a enkawl pui vek a ni. Chief Secretary pawhin Cabinet Minister te hi portfolio-ah an inpui tlang thei lo nia a sawi laiin, Pu Hawla chuan, a inpuih luih tir a, CS leh CM thu hi a inkalh a, CM hian dan a bawhchhia a ni” a ti.

Dr Thangtea chuan SEDP chungchang sawiin NLUP anga pocket money ang leka sum sem ni ve lovin, chhungkuain a mamawh tawk ang zelin an din chhuah ngei theihna turin sumin an enkawl zui zel dawn tih a sawi a. SEDP a, an hmalakna tur hi a len tham dawn em avangin sorkar atanga budget session hmasa berah SEDP atan sum cheng vaibelchhe tam tak an dah dawn thu leh, thalai lehkhathiam leh thiamlo ten eizawnna ngelnghet an neih theih nan Youth Commission aia lian daih, Manpower Development, Department dinin, Directorate hran an siam dawn tih a sawi.

Pu Thangtea chuan “Kum 10 kan sorkar chhung khan hna tam tak thawk mah ila, kan tihfuh tawk loh leh tih dik tawk loh kan neihah MNF hmingin ngaihdam ka dil a. Sorkar kan siam leh hunah chuan dik tak leh ngil taka kalin Zoram thar kan siam ang” MNF Vice President chuan a ti bawk.

He hunah hian SDEP Drafting Committee Member Dr.Vanlaltanpuia chuan Power Point hmangin SEDP kalphung leh a chhawmdawl dan turte sawifiah in, Pu C.Ramhluna Ex-MLA chuan mipui hnen atanga zawhna hrang hrangte a chhang a ni.

Author : Vanneihthanga Vanchhawng

Advertisements
Aside | This entry was posted in Zoram Politics and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s