AUGUST 15, 1947 KHAN GANDHIJI KHAWIAH NGE by J.Thangchungnunga.)

Vawin chu, Independence ni kan lo thleng leh ta. He ni ropui tak hmasa ber a, Gandhiji hun hman dan hi, chhiar peih te tan i lo sawi dawn teh ang.

Independence Ni hmasa ber, 15 August, 1947 ni a midangte’n India zalenna an lawm mup mup lai khan, a khaipa ber, India Hnam Pa, Gandhiji chuan, Calcutta khawpui a Hindu leh Mosolman ho insamna rapthlak tak karah chuan, remna siam tumin theihtawp a lo chhuah mek a ni tih hi, hre lo kan awm mai thei. Chu buaina chuan India chu a ţhendarh mek a ni.

Midangte’n India Zalenna an lawm mup mup lai chuan, Gandhiji leh Abdul Ghaffar Khan, (Frontier Gandhi tia hriat bawk) te chuan India ram darh mek chu theihtawp a dan an lo tum ve mek a ni.

Gandhiji chuan, “August 15 lawmna ah hian tel ve thei ka nilo. Bum che u ka duhlo a ni. Chutih lai chuan nangni’n in lo lawm erawh ka dal theilo cheu. Vanduaithlak takin, vawin a zalenna kan hmuh hi chuan nakina India leh Pakistan indona chi a kengtel tlat a ni. Chutiang karah chuan engtin nge khawnvar kan chhit theih ang?” a ti hmiah mai.

August 9, 1947 khan Gandhiji chuan Calcutta a thleng a, Noakhali, tuna Bangladesh a awm, intualvuakna rapthlak tak thlen mekna lam pan zel a tum a ni. Mahse Calcutta a Congress Hruaitute chuan chu lama kallo tur chuan an lo ngen a, Calcutta a remna a siam theih phawt chuan Bengal pumpui- ah remna a awm phah thei mai dawn niin an lo hrilh a ni.

An ngenna chu Gandhiji chuan pawmin, Calcutta a muslim tamna bial, Mia bazar kianga Hyder Manzil ah chuan a cham ta a. Chutah chuan mi za tam takin an lo tlawh a, tawngtaina te an nei bawk thin. A lehlam ah, mi tam tak, Amah chu Muslim duhsak lutuk nia ngai tuten an lo tawng nasa mai bawk.

13 August aţang chuan pawl pahnih te karah chuan remthu sawi beihpui a thlak ţan ta a. Reilote ah a thawhrim rah chu hmuh theihin a lo lang ta mai. Viceroy, Lord Mountbatten khan heti hian a hnathawh result chungchang chu a ziak. “Punjab ah chuan sipai battalion 55 nei siin buaina rapthlak tak a thleng zui zel a. Bengal ah erawh chuan, Sipai pakhat chauh kan nei a, mahse, buaina a awm miah lo,”

15 August chuan Gandhiji chuan, darkar 24 Chaw a nghei a, tawngtai leh lakai in hun a hmang a, pathian hnena lawmthu sawina a nei a ni. Raja Gopalacheri pawh khan lawmthu leh lawmpuina thu a thawn a. Gandhiji chuan, “Hindu leh Muslim ten chengho a thlamuanna an neih theih a, mahni hmun theuh lungmuang taka pana an khawsak dan pangngai a an khawsak leh theih hma chu lungawina ka nei thei dawnlo a ni,” tiin a chhang.

Chumi hnu chuan Gandhiji chuan Delhi pan a, chuta tanga Punjab lam pana Lahore lam te thlenga remthu sawi tumin hmachhawp a siam a. Mahse, chung thil zawng zawng chu a tih theih hma in Nathuram Godse kutah a lo tualthi ta a, India leh Pakistan chuan kan tun boruak hi kan thlen phah ta a ni.

About Mizo Archive

I'm the one who collect the best writings of Mizos
Aside | This entry was posted in Hriatzauna and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s