Kawrthahah Pu Hmingchungnunga te nupa thlam chhungahan ruang chhar an ni

Pu Hmingchungnuang (65) leh a nupui Pi Roziki Aizawl Ramhlun ‘S’ te chu an Kuhva huan thlam, Kawrthah rama an riak rawng taka thah an ni.

Thu dawn danin Pu Hmingchungnunga hi Police pension a ni a, a pension hmain Kawrthah PS ah hun rei tak a thawk. A nupui Pi Roziki hi Kawrthah khawchhuak a ni a, Pu Hmingchungnunga hi a pension hma deuhin chhungkuain Aizawl Ramhlun ‘S’ lamah an awm chho a, vawiin thlengin chhungkuain an la cheng.

Kawrthah ramah hian Kuhva huan tha tak mai an nei a, an huan hi an riahchilh ve reng reng thin. An huanah hian hlawhfa an chhawr thin a, Tuikuk khaw mi Tumpanglui khaw mite pawh an chhawr fo thin. Tukin lamah khan Tumpanglui khaw mi Tuikuk mi thenkhat feh tur te chuan Pu Hmingchungnunga te nupa ruang hi an thlam chhungah an hmu a, an khaw lam Tumpanglui lamah let lehin an khaw VC te an hrilh a, Tumpanglui VC te hian Kawrthah PS an hrilh ve leh chhawng a ni.

Thu dawn danin Pi Roziki ruang hi an thlam kawngkapui bul, thlam chhungah saruak vekin a lo awm a, a nghawngah thuk taka chema zaina hnu (nia rin) a awm bawk. A piah deuh hlek thlam chhungah tho Pu Hmingchungnunga ruang hi a awm bawk a, a ni pawh hi kekawrte chiah a ha niin sawi a ni.

An ruangte hi a rim a chhe tan tawh a, nizan hmasa lama thil thleng a nih an rin thu thudawnna chuan a sawi.

Pu Hmingchungnunga te nupa ruang hi Kawrthah lamah lak phawt a ni dawn a, Police station-ah mi tam takin an hmuak mek a ni.

14th October, 2017
Vanneihthanga


KAWRTHAH NUPA THAH THU

Mamit District SP Pu Narayan Thapa hnen atanga thudawn danin ruang chharte hi Police constable pension Pu Hmingchungnunga leh Pi Roziki te an ni a. Tukin khan an ruang hi Kawrthah leh Tumpanglui inkar, Kawrthah atanga kilometer 2 vela hla a awm, an kuhva huan thlam chhungah hmuh a ni a. Thil hriam hmanga thah an ni ngei-in a hmuna endiktu Police te chuan an sawi a, Pi Roziki hi thawmhnaw ha lova a awm avangin pawngsual a nih rin a ni a. Pawikhawihtute hi hriat an la ni lova, chhui zui mek an nih thu SP chuan a sawi a. An ruang hi Police in an endik hnu-ah Kawrthah Primary Health Centre-ah post-mortem leh a ni ang.

Pu Narayan Thapa chuan Pu Hmingchungnunga hi Kawrthah Police station a thawk thin a nih thu a sawi a. A nupui hi Kawrthah khaw mi a ni a, a pension hnu pawh hian Kawrthah lamah hian huan nei-in an awm deuh chawt a. Fanu 2 leh fapa pakhat an kal san a ni. Tualthattute hi hel pawl nge an nih a misual hrim hrim tih hriat a la ni lova, he thu lak lai hian Police te’n man an la neilo a ni.

An nupa ruang hi post-mortem a nih hnu-ah zanin hian an chenna in, Aizawl Ramhlun South panpui a ni dawn a ni.


KAWRTHAH KHUAA NUPA CHUNGA THIL THLEN DAN KIMCHANG by ZR Lalthlanmawia.

Date. 15.10.2017. Dar 12:00pm bawr velah Kawrthah Police hnenah huan thlama ruang pahnih hmuh a nih thu hriattir a ni a. Hemi bawhzui hian Kawrthah OC. Pu C.Lalengliana leh a naute chu an kal nghal.

NUPA RUANG CHHARTE SAWISAK DAN

Pu Hmingchungnunga hi a nghawngah
Inches 6 vel a zau leh thukin sah/zai a ni a, a mit ko dinglamah sahna leh a chalah hliam a awm bawk a. A nghawnga an zai/sahna ringawt pawh hi thihpui tham a ni.

Pi Roziki hi a hnungzangah Inches 6 vel zai a ni a, a lu ah na taka vuak a ni bawk a, a ban dinglam hmun thumah a ruh a vun awh der dera sah a ni bawk a. Tin, a kut zungchal leh a nghawngah hliam lian 3 leh hliam te deuh hmun 3, a nghawng hma lam hnuai lamah inches 3 a zau zai/sahna leh a hnung lamah na taka sah a ni bawk a ni. Hei hi Kawrthah Police Station OC hnen ațanga lak chhawn a ni e.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s