HALLOWEEN by Chester Ralte

He kût hi Celtics ho kût a ni a, kan hriatthiam dan tur chuan Dawithiama in puh hun lai leh Dawithiam tihhlum vâk țum a an tihhlum ho, Dawithiam a an puh ho kha an ni a, Druids- ho tiin kan hre ber âwm e.

Heng Druids- ho hi hnimhnah leh thing zung damdawi hmang hmasa tu te kha an ni a, Tin, Kum Sangkhat liam ta ah te khan Sawntlung lei hi pumna, kawțhalo leh tinrêng damdawi(?) ah a țha tih an hria a, an lo hmang daih tawh leh nghal. (keini erawh chuan Kêlkâng ațang chauh khan kan hria a nih hmêl sia)

Héng Celtics/Druids- ho ah hian Hnam pêng Healer-an tih te an awm ve bawk a. (Healer-ho hi Keini chuan Terry Goodkind-a lehkhabu Sword Of Truth : Legend Of The Seeker- ah te khan kan hre mai thei âwm e).

Tin, Camelot Lal Arthur Pendragon-a Dawithiam Merlin- te pawh kha hêng Celtic/Druids- hnam tho hi a ni bawk a, Druids- ho chanchin tam tak pawh Merlin- vang hian kan hre tawh țheuh in a rinawm.

Hmanlaiin Celtics- ho thihna Pathian( mitthi khua roreltu Pathian) Arawn(Aaron)- chuan Nipui tâwpna nî, Thlasik ințanna zân hmasa ber ni bawk, Thlasik ințanna thla bial zân hmasa berah chuan Mitthi tawhte thlarau chu Mitthi khua( Arawn/underworld) ațanga chhuak a, minung rama kal a, an chhûngte tlawh a phalsak țhin a, chûng thlarau te chuan mi hrang hrang tlawh kualin eitur te an ei țhin ni a an ngaih avangin chung thlarau/ramhuai ho hnawh kian nan Celtics ho chuan an khaw chhûngah meipui (bonfire) an chhep hluah a, nasa taka in chei rângin ramhuai te tih lawm nan an puithiam (druids) te chuan ran leh mihring thisen hial te an hlân thin a, he inthawina hlan tur hian puithiam te chu dawithiam pitar angin an inchei țhin.(Hei hi Halloween Witch- lo chhuah dan chu a ni bawk).
Hei hi a țobul tak leh Celtics- hovin a an hman dân leh an serh dân chu a ni.

Tichuan hun alo in her a, Kût ang in anlo hmang chho ta zel a,
He kût nena kalkawp tlat pakhat chu Mâi (pumpkin) kerkuak, a chhûnga mombati chhit ên, ‘Jack O’ Lantern’- an tih hmanga in leh a vêl an chei a an chhit êng tuarh țhin hi a ni.

Tin, naupangte tân he hun hi hun hlimawm tak a ni a, Halloween in a ken tel Trick or Treating hun hmang bawkin he hunah hian a hmaa ramhuai hovin mî in tlawh kual a thil an ei țhin ang deuhvin naupang te chu ramhuai ang taka incheiin mi in an tlawh kual a, eitur hrang hrang dîlin hêng eitir hlawh chhuak tur hian ramhuai thawnthu te an sawi a, an zai bawk țhin.

Pek an nih loh erawh chuan naupang te hian thil te an rûk bâkah anmahni eitur pe duh lo tu te thil engemaw ber an tih chhiat sak țhin. (Ram țhenkhatah chuan naupang ho hian pawisa te an dîl țhin).

Roman hovin Kum zabi 1-na hunlaia Celts ho an rûn vak țum a Celts- ho an tlâwm a, Roman hovin an awp hmâ zawng khân Halloween tih ala nilova,  ‘Samhain’ – tih a ni țhin a, mahse Roman hovin an awpbeh hnu khân he an kût hi siam danglam sak in anmahni Roman ho thei leh thlai chi pathian Poloma leh mitthi tawhte an zahna lantirna Feralia chu an telh belh a.

Tichuan Celt leh Roman ho Tradition chu lakkawp chhoh a ni zui ta a, May ni 13, 609AD  khan Pope Boniface lV- in Christian Martar te pual kût  Martyr Day-ah he kût hi a thlâk a, chumi hnu fê 
AD 800 lai vel khân Pope Gregory lll- chuan mithianghlim kal ta te puala All Saints Day/All Hallows Day an hman nî, November ni 1 hma chiah October ni 31 ah a urlâwk nan All Hallow Eve tiin a thlak leh ta a, hei hi hun lokal zêlah Halloween ti a thlâk a ni chho ta a ni.

He kût hi khawthlang ram tin deuhthaw ah chuan intihlim nan an hmang nasa hle a, kan ram ah ngei pawh anlo hmang ve ta hial a, mahse sawiseltu erawh an awm nghal pang mai, hun alo in her deuh ang a, kan ram ah pawh nasa zâwk a hman hun ala awm ngei ang.

Christian te tân chuan hmanloh hi a țha ber a, Ramhuai biakna nena inzawm ani tiin sawisel mahse, a sawisel tute pawh an fihlim chuanglo, kan sawisel a nih chuan Sunday kan serh te pawh milem biakna ațanga Halloween nen in ang chiah a kan copy a ni a
Christmas Tree te, Easter egg te, Easter Rabbit te ho pawh kan neihloh a, kan bansan a țul tho hmel bawk si.

Chutiangin Christmas putar (Santa Claus) – te pawh hi Norse Pathian, Khawpui ri Pathian Thor-a pa Odin-a daih a lo ni leh zel si a, chuvangin engpawh ni se a hlimawm zâwng leh kan Pathian  hlat lo zawng a kan hmang thei a nih chuan a lawmawm ah ngai mai ang aw..

About Mizo Archive

I'm the one who collect the best writings of Mizos
Aside | This entry was posted in Hriatzauna, Thu Ngaihnawm and tagged , . Bookmark the permalink.

1 Response to HALLOWEEN by Chester Ralte

  1. Chester Ralte Sr. says:

    He ka thil ziah hi personal blog a dah ka va remti lo em ve aw

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s