Mizo zaithiam C.Sanga kan chan ta.

Mizo mipa te zinga zai thiam leh musoc thiam C.Sanga chu November ni 10 khan kan lo chan ta a. A thih thu hian mizote a barakhaih nasa ngei mai. A thih aṭang hian social media hrang hrang ah poat nghal a ni a. Ui lo an awmlo a ni ber mai.

image

Post hrang hrang te hi lo lawrkhawm ila.
Vawiin 10th November, 2017 zing dâr 8:10AM vel khan  zaithiam C.Sanga chu Aizawl Hospital-ah a boral. A natna hi Deep Vein Thrombosis a ni a. In lama in enkawl lai mek a ni.

Tukina thil thlen dan hi amah C.Sanga hi an kaihtho zo lo a, damdawiin panpui a ni chungin chhan theih a ni ta lo niin thudawnna chuan a sawi. Thih chhanah hian Lungphuchawl ni berin a lang.


Zaithiam lar Pu C. Vanlalsanga (C.Sanga) chu Oct 10 zing dar 8.10 khan Aizawl Civil Hospital-ah a boral a. Vawiin 11 oct chhun dar 12.00-ah anmahni in Venghlui-ah vuina inkhawm neiin, a hnuah thlanmualah vui liam a ni ang. Pu C.Sanga, 43 chuan a nupui Pi Lalmuankimi (Mamuani) leh an fapa pahnih a kalsan.

image

Pu C.Sanga chu nimin tuk khan a zanmu an kaitho zo lo nia sawi a ni a, natna Deep Vein Thrombosis avanga in lama inenkawl mek a ni. Kaih thawh zawh loh a nih avangin Civil Hospital panpui a ni a, mahse, chhan hman a ni ta lo a ni.

Pu C.Sanga thih thu hian Zoram khawvel a deng chhuak chak(rang) hle a, mi tam takin an ui thu leh a nupui fanau te an tawrhpui thu an sawi.

image

Pic: A fapain a pa bulah mut ngenin tui takin a mu.


C. SANGA BORAL CHUNGCHANGA VENGHLUI YMA THU CHHUAK

Vawiin a kan vengin chhiat kan tawh chungchangah Pu C. Vanlalsanga (C. Sanga) hi zan inah a ruang hi lumenpui tur a ni a, naktuk chhun dar 12:00-ah Aizawl Central Hall-ah vui a ni ang.

Zan in lumenpui a nih chhan chu Pu  C. Sanga hi kan hriat țheuh angin Zoram mipui hriat hlawh a ni a, tin, Aizawl Kohhran lamin vawiin nilengin Biak Inah kohhran programme pawimawh tak an nei a, kohhran lamin min ngen bawk a, Venghlui Branch YMA chuan Emergency Committee ko nghalin, Branch Executive Committee-in ngun taka a ngaihtuah hnuin zan inah a ruang tlaivarpui a, naktuk chhun dar 12:00-ah Aizawl Central Hall-ah vui tur a ti ta a ni.

image

image

Pic: Thlan laitu te


MZI INFORMATION

Pu C.Vanlalsanga(C.Sanga) boral chungchanga hriattirna leh a vui huna thlahna hla remdan tur inhriattirna.

Tukin dâr 8:10-a min kalsan ta, C.Sanga ruang hi Aizawl Hospital aţangin an chenna in, Venghlui(Central Hall bul)ah lak phawt tur a ni ang a. Zaninah tlaivar pui tur a ni ang.

image

Pic: Thlan chungah pangparin Guitar lem siam a ni.

Naktuk, Ni 11.11.2017(Inrinni); chhun dâr 12:00-ah, Central Hall, Venghluiah vui tur a ni dawn a. Vuina hunah hian MZI kaihhruainain thlahna hla rem tur a ni ang. Thlahna hla rem tur hian rimawi kaihhnawiha inhmangte leh C.Sanga ţhiante zawng zawng tel vek turin kan inhriattir a ni.

Thlalak pui tur a ni dawn bawk a. Hetah pawh hian MZI/MDM leh rimawi kaihhnawiha a ţhenrual zawng zawng te’n a huhova thlâ lakpui tur a ni ang. (A hranga lakpui hrim hrim duh an awm chuan an thu ni se).

C.Sanga vuinaa kan hla rem tur enlawk turin dâr 11:00AM-ah, Aizawl Central Hall bulah kim tur a ni e.

Sd/-
ISAK MALSAWMTLUANGA
General Secretary
MZI GEN. HQRS.


Mizo Arsi mawi i liam ta

Ni 10.11.17 a lo her chhuak a, Zorimawi khawvel ah mi ropui chanchin lungchhiat thlak a thleng dawn tih tu man an hre lo. Mahni tul na mual a kal turin mitin maiin an hun an buatsaih a, zirna run bel te pawhin tiffin box leh rack sack akin an chhungte an vai liam mek lai chuan Mizo mipa zai mi zinga mi lawm hlawh ber C.Sanga boral thu in Zoram a deng chhuak nghal, Aizawl khawpui ti ti a ni ber mai! A thi miau si a, koh kir theih a ni lo, taxi chuanna atanga petrol pump titi a ni zui nghal, mitin maiin C.Sanga an ui, a phu a ni.

Kum 3 liam ta ah khan
College Veng leh Republic Veng inri na bulah chuan lirthei an lo sil tir sup sup a. Tahchuan mizo zinga mipa zai dan tur dik tak zai ka ti mai C.Sanga a lo awm ve. A kianga titi, thanchhak titi ni lo mahse hun hman a va nuam em! A tihsual a zep lova, a hringnunah zirlai a zir nasat zia lah a zep hauh lo. A kianga awm te kha tu a nih anin hre hlawm lo mahse naute angin a en vek thei, a nunah khan Kristian zia a awm tlat.

Tarmit dum nen a hrut
Thangthar leh rual u zawk, kum lama upa zawkte rilrem turin hla hlui leh tunlai hla a sa thiama a, tarmit dum vuah chunga ‘Nghilhloh Di Aw Thahmingliani’ tih an hrut kual phei hi chu America atanga Venghlui tlangval thlengin an tui pui, chawrhthla eng hnuaia an suk pui a nih hi maw? Thangtharte’n hla hlui, tha si an tui pui leh theihnan kawng sial tu a ni, Zorimawi khawvel hian mi bik a chan, a pawi vawng vawng teh e.

I tel lovin a kim lo
Mizoram Even, Show lianah zaimi an zep thin a, C.Sanga a zai loh chuan a kim lo tlat. Tunah phei cuan a va kim lo leh zual dawn em!.Kohhran thalai atanga kawng siam thar lawm mizo thalai, a pui a nawiin a kan suk pui theih ‘Di Chambawihpui’ in rawn ti vul leh teh hi, aw i va danglam bik em? vawi khat chiah Lammual khat mipui pungkhawm te tan han hlan leh ta che ti dawn i la, i rau thla chiah kan chang tawh si.

Zorimawi khawvel in mi bik a chan che, mahse i sul hnu erawh thang leh tharte hian an theihnghilh tawh lo ang. Zo hnam thinlungah hian i dai tawh lovang, koh kir theih ni la, koh kir che kan nuam,mahse lei dana rorelna hnuaiah hringfate’n kan chan tur i chungah thihna in thla a zat ta si.

Mizo thalaite’n i hla, i zai kan ngaihthlak  a piangin kan thinlungah i thar dawn, i rauthla tal khan i awih thin Zohnam hi rawn thlir ve rawh aw. PS Chawngthu hla ‘Chhingkhual lenmawi’ thiam takin min hlui a, Tleitirah tleitiri thiam takin min hnut chhiah leh, kan beisei leh mek lai che in heti hian min kal san, a fair lo, i thil tih dan hi.Kan thinlungah erawh Daffodils par ang maiin zung i kuai reng tawh ang.

Tunah tapin in then mah i la, nat leh hreawmna awm tawh lohna hmunah min lo hmuak ang che. Mangtha C.Sang kan tih che a ngai ta, min dem suh, nagmah hi i dem awm zawk ; i kal mai hi. Mangtha le.

P.Moia
ITI Veng


C. Sanga (C.Vanlalsanga) a awm talo :

Mizo mipa zaithiam lar chuai theilo leh vullai pawh nei rei tak, vawiin thleng pawh a programme la ngah ber te zinga mi ni bawk C. Sanga chuan tukin 10th November 2017 khan chatuan ram min lo pansan ta.

C. Sanga hi Aizawl Venghlui a awm ani a, a thih hun hi zinglam ni mahse, mi bik anihna leh a lawina kohhran te programme pawimawh awm lai lo ni bawk nen an branch YMA hruaitu ten ruahmanna fel tak an siam a,  zanin tlaivarpui ani anga, naktuk dar 12:00PM ah an veng Venghlui, Aizawl Central Hall ah vuina programme hman ani ang.

Hun engemaw chen kalta atang tawh khan taksa lamah harsatna a nei ve thin a, phai lamah te leh Aizawl a doctor thiam te pawh a rawn kual in damdawiin han luh ve zauh chang te pawh a nei ve thin a, a damlohna hian stroke te pawh a thlen thei ani tih amah ngei pawh hian a sawi thin ani. A taksa lamah harsatna a tawh deuh chang  pawhin a programme neih te ti hlawhtling hram hram thin mi ani a, Zaimite tana hmasawnna tura tha thawh kawngah pawh theihtawp chhuah in a penchhuak ve reng thin ani. Tin, Award pawh chi hrang hrang lo la tawh in, heng a award dawn te hian mibik anih zia pawh a tarlang awm e.

Tukin khan a fate school kaltur hruai tura kaihthawh an han tum chu alo thaw tawhlo ani tih an hmu a, rang thei ang berin Aizawl Hospital lam panpui anih hnu ah Doctor ten theihtawp an han chhuah hnu ah pawh awmzia a awm thei talo ani.

C. Sanga hi MZI tan leh MDM tana theihtawp lo chhuah a, heng pawl te pawhin chakna atana an lo hman thin ani a, a vui hunah pawh hian MZI Gen Hqrs kaihhruaina in a thlahna hla Zaimi ten an rem dawn ani.

He kan Zoram mibik Zai a zofate awitu thlahna ah hian MZI Gen Hqrs chuan mi zawng zawng a sawm ani.

David Z Hmar
Working President
MZI Gen Hqrs
Aizawl,  Mizoram.

About Mizo Archive

I'm the one who collect the best writings of Mizos
This entry was posted in Zoram History and tagged , , . Bookmark the permalink.

1 Response to Mizo zaithiam C.Sanga kan chan ta.

  1. zonunthari says:

    kaui vehawp mai

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s