DEEP VEIN THROMBOSIS leh tunlaia thih thut natna

Deep vein thrombosis chu thisen zâma thisen khang, bawlhhlawh tâng hi a ni a. a bik takin châwn leh malpuiah a awm duh a. Ke nâ, ke vûng leh sen deuh ṭul tein a awm tlangpui,  châwn, mal bâwr velah vein puar deuh pup te pawhin a awm thei….. Enkawl uluk ngai tak a ni.

Deep vein thrombosis, kan rama a tamna chhan pakhat chu spasmoproxyvon, ei tura siam, inchiu nana kan hman ṭhin vang hi a ni a. Thrombus (damdawi nawi) kha a chhuak thei tawh lo va, thisen zâmah a kal kual ta reng a. A tâwpah thisen zâm a tiping a. Thluaka thisen zâm a tihpin chuan Stroke a ni mai a.
Lunga thisen zâm a tihpin chuan Heart Attack / Myocardial infarction a ni leh mai a.

Hypertension, diabetes, thau lutuk te, taksa rit lutuk te hian stroke leh heart attack neih theihna remchang a titam a.

Kan ramah hian nunphung dik lo, Lifestyle diseases hi a tam khawp mai a.
Metabolic syndrome neite hi kan tam a, heng’te hi stroke leh heart attack neih theihna remchang titamtu vek a ni.
Insawizawi peih si lova chaw ei nghek nghek, vawksa thau hmawm thuih thuih, awmâwl ei tui kan sim a ngai a.
Thei leh thlai kan ei tam a ngai a.
Kea kal tam tur a ni a.
Insawizawi peih loh chuan in leh a vela chêt tam tal tur a ni.

Sa thau ei chiah lo mah ila, a tui hâng tle nêr nuâr te hian saturated fats a pai tam, a thithunah pawh hian saturated fats, thau hlauhawm chi a tam a.

Kan ei ṭhin vawk leh ar thau vel hi, a thau chuang bâng a ni a. Huanga khung leh bâwm chhunga khung, exercise la lo, thau chhe awm khawm a ni a. Kan ei tam poh leh thau chhia kan ngah ve mai dawn a ni.

YOU ARE WHAT YOU EAT

Fimkhur hi a ngai a nia, thih thut a tam êm hi.
“Nimin lawkah pawh kan inhmu a, kan inbe reng asin maw le, a mak hle mai” kan tih fo hi.
A hre chiang tan chuan a mak lo. Thil awm tur ve rêng a ni zâwk.

Nangmah i inngaihtuah peih lo a nih pawhin… I nupui fanau, i chhung leh khatte leh i ṭhenrualte tan i hriselna ngai pawimawh hle teh.

Eng teh vak ni lo mah la, i lo dam ve ṭêk ṭêk hian, khawtlang i tinuam ve a.
Pa râwn tlâk tak ni lêm lo mah la, saum ang maia bâwl phawn atan i ṭha ve hrim hrim a.

Chhawn chhaih mai mai tur atan tal lo dam ve reng teh. Thlafam dairial i chan hlauh chuan, kan hrilh a hai dawn êm asin.

Ka ţhian, lo dam ṭha zel teh khai! ✋😆

Gilead Thinghnai
(Hriselna Lamtluang)

Advertisements

About Mizo Archive

I'm the one who collect the best writings of Mizos
This entry was posted in Health and Lifestyle, Hriatzauna and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s