UN WAR CRIME COURT ROOM-AH TUR A EI : A HNUAH A THI NGHAL

Niminah Bosnia Croat General hlui Slobodan Praljak (72) chuan a chungchang UN War Crime Tribunal Court, The Hague in an relna chungchanga thutlukna siam dodal nan tur a in a, a hnu lawkah hospital ah a thi. Praljak hi Bosnia Croat muslim thah chiam tum tia puhin, kum 20 tang tura puh a ni a, hetianga misual (criminal) anga puhna hi a duhlo a ni. A tur pai a in hma chuan, “Roreltu zahawm tak, Praljak hi criminal a ni lova. I thutlukna siam hi ka pawm theilo a ni. War criminal ka ni lova, he judgement hi ka pawm theilo bur a ni” tiin, a tur pai bawm tereuhte chu camera hmaah leh judges te hmuh laiin a in ta a ni. A tawnglettu chuan tur a in ngei tih sawiin, Judge  Carmel Agius chuan video camera te off vek tura a tih hnuah, helicopter-in HMC hospital an pan pui a, a nunna erawh an chhan hman ta lo a ni.

image

image

Slobodan Praljak hi kum 1992-1995 khan Yugoslavia ram keh darh Bosnia Croats military hotu niin, kum zabi 16na hun laia Mostar’s Bridge an tih, Ottoman Empire hun laia siam tichhe tura thupetuah puhin, chumi vangin Bosnia Croat muslim te thih chiam theihna a ni, an ti. He bridge hi 1993 November ah tihchhiat a ni.

Kum 1992 chhova Bosnia War ah khan mi 100,000 an thi a, maktaduai 2.2 chuangin in leh lo an tlanchhiatsan a ni. Yugoslavia ram keh chhiat hnu khan Bosnia muslim leh Bosnia Serbs inbeihna te, Bosnia Serb leh Bosnia Croats inbeihna te awmin, kha indona vangin UN War Crime Tribunal, The Hague chuan hruaitu hlui engemaw zat an chungthu an rel sak mek a ni. Praljak hi Stupni massacre an tih, mi 161 thihnaah mawhphurtuah puh a ni bawk.

Serb hnamte hi mi luhlul, hnam huaisen tak leh mahni hnam hmangaih rum rut mai an ni a, hetianga an chunga rorelna hi an duhlo hle thin. Mahse, EU member nih kha an duh vangin loh theih lohvin an sorkar tharin hruaitu hluite chu International War Crime for Yugoslavia-The Hague ah an surrender a ngai si thin a ni. Anmahni induhna (pride) an neisangin, UN War Crime Tribunal a judge te pawhin, theih ni se- court ah an bei duh ang tih hial tur a ni thin.  Praljak pawh War Crime Tribunal a pek a nih dawnin, an hnam hmangaihna hla chu zah takin an sa rual a ni.

Praljak chauh hi mahni intihlum a ni lova, Craotian Serb hruaitu Milan Babic chu kum 2006 khan rorel sak aiin tiin, Schevening jail ah a intihlum tawh a, kum 1998 khan Croatin Serb hruaitu pakhat Slavko Dokmanonic chu a tanna jail tukverh ah puanin a lo inawkhlum tawh bawk. Balkan’s War an tihah khan nunna tam tak hloh a ni.

Author: C.T.Lalrinawma

About Mizo Archive

I'm the one who collect the best writings of Mizos
Aside | This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s