Rannung seh leh enkawl dan

Rannung seh, scrub typhus hi a lâr ta hle mai a.
Hmânni lawk pawh khan, scrub typhus vanga boral ka hmu a. Enkawl tlai vang leh, scrub typhus vanga nâ a ni tih hriat chhuah har vanga boral ta ni berin a lang a. Scrub typhus natna lan chhuah dân kan lo hriat ve a pawimawh a. Scrub typhus natna laka lo invên dân kan hriat a pawimawh hle mai bawk a. Gilead Thinghnai lehkhabu-ah chipchiar lutuk lovin ka ziak a.
A tlangpuia kan hriat tur erawh a awm a.
Uluk takin chhiar rawh le…

RANNUNG SEH (scrub typhus)
Mizoramah rannung seh vanga thi ni âwm tak an awm ta nual a. Chhura buh thlirin han thlir thuak thuak ila.

Rannung seh vanga thi kan tihte hi rannung seh vang ngawr ngawra thi ni lovin, heng saphihrik, uihli, tuhrik te hian scrub typhus hrik a pai thei a. He natna hrik pai rannung ten mihring an sehin he natna hi mihringah an kai chhawng ţhin zawk a ni.

He natna thlentu hi Orientia Tsutsugamushi ti-a vuah a ni a, gram negative bacilli a ni a.
Mizoramah natna thar angin ngai mah ila, 1930-ah Japan rama hmuh chhuah daih tawh a ni a. Indopui pahnihna-ah khan Asia khawmualah sipai tam takin an lo thih phah tawh a ni.

Rannung sehna lai chu a lo dum val deuh va.
He dum val hi kâng sawr emaw meizial linga dehna hnu ang deuhin emaw a awm a.
A lo vûng sen deuh va, a hrik hi thisenah lutin taksa a fan ţhin a.
Lu nâ, khawsik sang, vawt ti-a khurh, vun bawl, tihrawl nâ, ţhalbe vûng, thaw hah ang ten a lang chhuak ţhin a.
Scrub typhus hi enkawl loh chuan lung natna, pneumonia, la tla (splenomegaly), thin natna, thluak vûng (encephalitis), kaih leh kawchhunga thi pût (gastrointestinal hemorrhage) etc, te a thlen thei a.
Scrub typhus hi natna dang, entirnan, Malaria nen te a natna lan chhuah dân a inan avangin hriat loh palh a awm thei a. Scrub typhus hi thisen test aţangin a hriat theih a.

Hmun ţawp hnawk leh hnâwng, hnim tamnaah te a awm tlangpui a.
Fûr khaw hnâwm, hnim tam lai hun hi a awm duh hun leh fimkhur a ngaih hun a ni.
Chênna in leh a vel tih fai a pawimawh a.
In leh a velte rannung thahna hlo-a kah a ţha a.

Kut lâwnga bawlhhlawh ţawp hnawk leh hnâwng hai bawrh bawrh loh tur a ni a.
Ram kal leh ramriak ten kawr bân tlawn hâk a, pheikhawk pum bun ţhin tur a ni a.
Ram kal ţhin leh ramriak ţhinte chuan an mutbu, thawmhnaw leh pheikhawkah te Permethrin hnawih ţhin se a ţha a. Thlâm leh a vel tihfai ţhat tur a ni.

Scrub typhus natna hi hriat chhuah hmâa enkawl hmâ chuan a dam har lo va. Sawi tawh angin hriat loh va, enkawl loh chuan thihna hial a thlen thei a.

A enkawlna damdawi ber chu doxycycline leh chloramphenicol a ni a.
Rai puar leh naupangah chuan azithromycin leh roxythromycin pêk a him a.
A ei dân tur chu doctor râwn tur a ni.
                            Author: Dr. Lk sanga

Advertisements

About Mizo Archive

I'm the one who collect the best writings of Mizos
Aside | This entry was posted in Health and Lifestyle, Hriatzauna and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s