KHENG BET RAWH TIIN TUTE NGE AU?

Tin, puithiam lalte leh tiang kengtute chuan amah an hmuh veleh an au va, “Krawsah khêng bet rawh, krawsah khêng bet rawh,” an ti a. Pilatan an hnênah, “Nangnin kalpui ula, krawsah khêng bet rawh u; kei zawngin eng mah a sualna ka hmu si lo,” a ti a. Tin, anni chu an au va, “Tiboral rawh, tiboral rawh, krawsah khêng bet rawh,” an ti a. Pilatan an hnênah, “In Lal hi krawsah ka khêng bet ang maw?” a ti a. Puithiam lalte chuan, “Kaisara lo chu lal dang kan nei lo,” an ti a, an chhâng a.
Johana 19:6‭, ‬15

“Hosanna râwl a danglam ta,
Kheng bet rawh tihnain;…”

Isua Jerusalema Lal anga a luh nia “Hosanna” tia au-te kha ram lam aṭang rawn zuitute an ni a, Jerusalem khua aṭanga lo hmuaktu pawh an awm bawk. Isua a langa zuitute hi mi narân leh hmeichhia an tam berin a lang a, sakhaw lam hotute leh an kaihza vengtute lamin Isua chawimawina kha an aupui ve ang em?

Isua mantir tura veh vehte kha sakhaw hotute an ni a, Pilata Compound chhunga Isua hruai luta hektute kha sakhaw hruaitu ùn pui pui leh an kaihza vengtute, Temple sipai(tiang kengtute) an ni ang. Minarânin Governor Compound chhung kha an lut ve ngam dawn em ni?

Pilatan Isua chhuah a tum laia “kheng bet rawh” tia lo au zâmtutte kha Puithiam lalte leh Farisai-te leh an ṭhuihruaite leh tiangkengtute an ni tih chu a chiang sa a.

Isua chawimawia Hossana titute hian an rin angin Isua kha khawvel lal a ni leh ta si lo kha ni li lekah an thimrim leh ang a, Governor gate chhungah te an lut khawm leh em ni ang?

Zorama Kohhran lian ber hian kan rin dan thlâwp lo zawnga thu sawi thiam tak, miin an zui luih luih, kan duh loh zawng tak nei ve ta ila, Magistrate-ah mantirin a chungchang rĕlnaah thiam loh chang ngei turin a parualin thawk ta ila, tute nge kal ang le? Pastor rual te, Upa rualte leh K.Ṭ.P hruaitute kan ni ngei ang.

Chutiang deuh chuan Isua chungchang Larsap meuhin a rĕlna court-ah kha chuan mipui satliah ai chuan sakhaw ngaihsakho kha an nih ngei a rinawm.

Thuhriltu ṭhenkhatin Hosanna ti-a aute kha kheng bet rawh kan tihtir fo mai hi kan risk fuh lo deuh ang tih a hlauhawm mang e.

Thilawmzia, a hun leh a hmun te zir chunga Pathian thu hi sawi ṭhin a va ṭha em?
Lal Isua phiara veh vehtute leh an supporter-te ngei khan *Kross-ah kheng bet rawh tiin Pilata kha an au zâm a ni ngei ang.

K. Zalawma

About Mizo Archive

I'm the one who collect the best writings of Mizos
Aside | This entry was posted in Pathian Thu and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s