Central YMA hi dem ngawt suh by Lalremliana Pachuau

Varţianah thoin Aizawl khawpui hi han fang teh. Governor in kiangah kalin Vanapa Hall kawt hrut rawh. Nula leh tlangval, an hmêl en reng reng pawha vanlaitla ang mai i hmu nual zel ang.

An chanchin han zawt ila, chhûngkaw kehchhia aţanga lo zichhuak an tam ber zel ang. Chenna mumal an nei lova, mut lumna pawh an nei mumal bawk hek lo. Anmahni leh anmahni inlainata intuamhlawmin an nung ve ni berin a lang.

An tân nung khaw chhuak tur chuan a rem rem an ruka mi tih duh loh ang ang tih a ţul ţhin. No 4 ţhin chu a nat êm avangin a mi ţhin hunah meuh chuan an chhia leh ţha hriatna bo zoin mawi leh mawi lo pawh an dawn thei tawh ţhin lo.

Chutiang khawpa mi nun buaite chu SRS hmachhawnte hi an ni tih kan hriat a ţha hle. Zawhna lian pui an chhan mumal theih si loh chu hei hi niin a lang. Lo sim ta se, khawiah nge an awm ang a, eng nge an tih tak ang, tih hi a ni.

Khawvelah heng mite aia dawt sawi thiam an awm bik tawh chuang lovang tih tur khawp an nih miau avangin anmahni han do hi a har ngak ngak khawp a! A dotute hian beidawn chang pawh an ngah khawp ang. A damdawi zuarate lah anmahni ang bawka an thil zawh sim hlei thei lo an ni si!

Chutih kârah tlawmngaia penchhuak zingah mawl fal deuh, thuhnu dawn thiam lo duty zingah an lo awm lo thei si lo. Thuneihna neia inhriat tlatna tluka thuneihna hmang sual an awm hi mak ti suh. Mihring zia a ni tlat! Chuvangin SRS leh Central YMA kan dem dawn a nih ngat chuan an hnathawh mek hi hrechiang hmasa zet ang che.

Sawrkar zawk pawh a beidawnna leh a hlawhchhamna kawngah hian kalsual leh tih sual chang a awm lo thei lovang. Chumi avanga nasa taka inchirhtheh hi hriatchian loh vang mai a ni. Anni hi awm ta lo phei se a rapthlak dan turzia hi hriat phak rual loh a ni zawk e.

About Mizo Archive

I'm the one who collect the best writings of Mizos
Aside | This entry was posted in mizo archive, Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s