CADC AH ZODINTLUANGA HOIN DRAMA CHANG MAHSE, PM MODI- A THILTUM CHU CONGRESS NUAIBO A NI – Zoramthanga

Chakma Autonomous Dist Council inthlan neih zawh takah sorkar siamthei tun thlengin an la awm lova, he inthlana MDC bial la tam ber MNF President Pu Zoramthanga’n an party chu an buai ve lo va, a buai ber chu Congress leh BJP an ni a, boruak awmdan an thlir rih tawp mai tih a sawi.

Vawiina Dampa East MNF Block Conference Kanghmun Community Hall-a neih a hmanpuinaah he thu hi sawiin Pu Zoramthanga chuan tunhnaia CADC inthlan dinhmun dik tak chu a hriat bik loh thu a sawi a. Result a lo chhuah khan NEDA-a an thawhho avangin BJP nen sorkar siamho turah an inngai a, Mahse, Chawngte lamah ngaihdan hrang a lo piang ta a, anni leh BJP State Hqrs. hriatpui hauh lovin Congress nen sorkar siam turin ziakin an lo tlangzarh ta ringawt mai a ni, a ti a. Amaherawh chu Central BJP-ten an remti lo nia an hriat thu leh MDC thlan tharte nen an sawiho mek nia a hriat thu a sawi bawk.

Pu Zoramthanga chuan India Prime Minister Narendra Modi-a thiltum chu congress nuaibo a ni a, CADC-ah Pu Zodintluanga hoin ‘Drama’ chang mahse, central-a an hotute chuan engtikawng mahin an pawm lo ang, a ti a. A tam zawk MDC 6 nei kha thuneihna duhna avangin a tlem zawk hnuaia kun congress-in an duh tlat mai a ti a, MNF chu an buai ve lo va, an ni zawk chu a buai ber zawkte an nih avangin, an lo en rih ṭhap dawn a ni, a ti.

Hetihlai hian CADC inthlana tling BJP member, Congress nen thawhdunna tur thuthlung siama Chief Executive Member atana ruat Shanti Jiban Chakma-a leh MDC pahnih Aizawl-ah awm mekin Central aṭanga rawn kal BJP hruaitute leh Mizoram BJP hruaitute chu an la inbe zui zel a, an thurel puanzar tur a la awm rih lo a ni.

Source : AIR Aizawl

About Mizo Archive

I'm the one who collect the best writings of Mizos
Aside | This entry was posted in CADC, cobgress, inthlan. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s