Zemabawk Beraw lui-a lung quarry chim-in mi 4 a chhilh hlum a, ruang 2 lak chhuak

Nimin tuka Zemabawka Beraw lui-a lung quarry chim-in mi 4 a chhilh hlum zinga pahnih ruang lak chhuah tawh a ni.

Helai hmuna hnathawk LPK Tipper khalhtu Vanlalhuma chuan helai hmunah hian mi 10 velin lirthei-ah lung an hlang a, a chanve vel an hlang tawh tihin kopang chu a rawn chim thut niin a sawi a. Lung hlangtute zinga pakhat hi lung lakna hmun puk atang hian a tlanchhuak ve hman ta lo a, an sira rawra chhu mi 3 chu a chhilh bawk niin a sawi. Hriat theih chinah Quarry chim hian mi 4 a chhilh ni a hriat a ni a, an zinga pahnih Linda Hmingthianghlimi kum 14, Zemabawk Bethel veng leh Lalremzovi kum 10 Zemabawk-te ruang hi hmuh tawh a ni a, Lalremzovi nu, Linda Zorinpuii kum 32 leh Pu Munga kum 40 te chu lakchhuah an la ni lo. Bawngkawn Police Station aṭanga thudawn danin vawinah hian ruang lak chhuah hna hi thawh chhunzawm a ni ang.

Aizawl Dist Addl DC Pu John L.T. Sanga hnen aṭanga thu dawn danin, vanduaina a thlen hriat a nih velah hian Emergency Special Force, Disaster Management & Rehabilitation-te chu a hmunah an kal nghal a, helai hi lung lian khawkrawk tak tak hmun a nih avangin a hai fai turin lei laihna khawl pahnih hman a ni a, SDRF leh NDRF te thleng nghal in theihtawpin ruang lakchhuah hna hi an thawk a ni.

‎ᅠᅠ ᅠ ᅠ ᅠSource : AIR

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s