LENGPUI CHIAHPUI LUI QUARRY CHIMAH CHHUNGKHAT PA A BORAL

Inrinni atanga vawiin 28th May, 2018 chawhma lam thleng khan Mizoram hmun hrang hrangah chetsualna leh chhiatna thleng a tam hle a, heng vanduaina thlengah hian mi 8 an thi a, an zinga tam zawk chu tuitla hlum leh lirthei chetsualna a thi an ni

28th May, 2018, monday khan Lengpui bul Quary chimah Pu Kungliana kum 57, a pa Pu Rangsuana, Lengpui Model veng chu lung chimin a delhhlum. Lengpui Model YMA te chuan Pu Kungliana hi pa taima tak a nih thu an sawi a, zing atangin Lengpui khaw hmawr, Mamit Road-a Chiahpui lui quarry-ah boulder hem turIn a thawk chhuak thin a. Hma takah lung halna tur, lungsawh tein hna a thawk thin niin an sawi.

28th May, 2018 ah pawh quarry-ah hian kalin hna a thawk a. Tukin zing dar 8 pelh hret khan lung chim chuan Pu Kungliana hi a delh a, vanduaina tawk ta a ni. A delh tu lung hi a lian em em a, mihring thaa a ruang lak chhuah mai theih a nih loh avangin JCB hmangin an la chhuak thei chauh a ni.

Pu Kungliana ruang hi 28th May, 2018 chhun khan post mortem a nih hnuin thlanmual lamah vuiliam a ni.

28th May, 2018 zing khan quarry-ah hian midang hnathawkte pawh hmun hran hranah an awm hlawm niin an sawi a. Pu Kungliana hian boulder atana hem tur lung, thirtiang hmangin a kar thla a, a chhak lam chu rawn che thlain, a tlanchhe naa a hnunglam atangin lung hian a rawn delh zui ta niin thil thlen lai hmutute chuan an sawi.

Pu Kungliana hian a nupui Pi Lalthangpuii leh a fate 5 a kalsan a ni.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s