Sikul naupang hmanga mahni hmasial nun hi !

Khawi lai HSS sikul 9 laite chuan Lumpsum aţanga Adhoc dinhmuna hlankai an phutna kawnga hma an lak dan hi a tenawm hle. Sawrkar aţanga insawi fiahna kan lo hmuh hi a dik tura ngaih phei chuan zahna nei lo hian kan kristian tlang dual dual ni berin a lang.

Kum 2013 inthlan hma lawkin tuna nuar mekte hian sawrkar an lo nawr tawh a! Ngawi an dawh vang vang a, inthlan thlir ranin tun inthlan dawn hnaiah bawk naupang pawisawi lo an han hrem ta tlawk tlawk mai a! Hei aia mahni hmasialna hi a awm thei tawh lo.

Anni aia contract hna lo thawk rei fe tawh te, Adhoc la ni char char bakah MR sâng tam tak an awm a. Naupang pawh exam thei lo hiala siam duh leh sawrkar nena inremna nei thlapa sikul dinte hian mipui laila thei ang ber turin Police nen an inepnate an han tarlang duh hial a!
Sawrkar hi tihtet tial tial kan tum tia Fin Minister thu sawi hi a lawmawm, tihmakmawh a ni. theih phei chu ni se, contract anga thawktu hi tun aţanga lak zel tawh ni thei hlei hlei se a ţha tur! Kristian ramah hian thil tum nei rana mahni ţanghma haina tawp thei lo hi a khamawm zozai tawh a nih hi!

He innawrna kawnga sawrkar hmalakna hi Congress Ministry thiltih ţhat pawl tak a ni ta ve ang! Chuvangin a ţanna ngaiah hian ţang tlang ngei ngei rawh se. In dil awm leh awm loh hi a awm ngai. Mahse, sawrkar hian a ngam zawngte lakah chauh hian huai lul suh se.

A hnathawkte enkawlna hautak lutuk hi ţhiat ngam rawh se. Deputy Secy tih thuar thamin lirthei an dawng te, an rank puiin awmpui an la thei ringawt pawh hi tihtawp thuai chi a ni zawk. Sum a harsa a harsa tih sawi chamchi chunga a harsat loh dan tur kawnga hma la leh ngam si lo sawrkar hnuaiah hian buai nuai awm reng kan lo ni e!

About Mizo Archive

I'm the one who collect the best writings of Mizos
Aside | This entry was posted in Fifth Column and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s