MIZOȚAWNG BIHCHIANNA

Mizoțawng chungchanga ka rilru kap ve tu hi Fb group 90 vel zet ka awmna ah khawii ber hi nge dah (post) na awm deuh ni ang aw? tia ka hai ka hai pawhin Group hming ațang chuan a inthlahrun awm deuh vek mai a.
Hei, ka dah mai ngam lohna group pakhat ‘Mizo special report’ ah hian mizoțawng chungchang ziak chu ka hmu hlauh mai a. Inthlahrung deuh tho chunga ka post chu, reilote ah Admin Pu Vana hian min hui luh sak hlauh mai a. Ka lawm hle a ni.

Hetia alèng ve ta rau rau a nih chuan kan țawng kau chheha ka lo ngaimawh ve deuh te han tarlang dawn teh ang :

NAWN LEH : Hei hi kan hmanhmawh deuh nge ahun lo ah kan hmang fô mai. Entirnan : Veng chhung information ațangin mipui hriat tur thu kan han puanga. Vawi khat kan duh tawk lova, avawi hnihna ah “Kan han puang nawn leh ange” kan ti nghal tlat țhin. Kan la puan nawn loh vangin ‘nawn’ leh ‘leh’ hi hman kawp rihloh ațha. Hetiang hian ti zawk ila > “Kan han puang nawn ange” emaw “Kan han puang leh ange” ti rih ila. Vawi hnih pawh chu kan duh tawk lova, kan vawi thum duh anih chuan, vawi thumna ațang chuan “Kan han puang nawn leh ange” ti tawh ila a sual lo ang.

LAWM MAN SEM : sêm tih thumal hian thil pakhat aia tam a kawk tawh a ni a. Chutichung chuan Tv host tute zingah pawh Lawmman pakhatna sem tura tu emaw sawmtu an awm leh tlat țhin. Lawmman pakhatna chu sem tham ani si lo-a, Hlan turin sawm zawk se. Pakhatna ațanga pathumna lawmman hlan chu mi pakhat kut a dah a nih erawh chuan kan duh leh sem tur chuan sawm chauh ila.

LEH : Hei pawh hi a hun lo/țul lo ah kan hmang fo bawk. Entirnan : Nizan lama hnatlang neih tur thu puan tawh kha engemaw rokhawlhna vanga țhulh anih in; Tukin zingkar tlang au in “Vawiin hnatlan tur thu nizan lama puan kha > Țhulh leh a ni ” ti in. Vawikhat țhulhna chauh ala ni si a “Țhulh a ni” tih ni rih mai sela.

Author: LH Rothangliana

About Mizo Archive

I'm the one who collect the best writings of Mizos
Aside | This entry was posted in Thu leh Hla and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s