INDONESIA LIRNGHINGAH MI 82 THI – Familia Fanai Laltansanga

Chawlhni tlai ni tlak ruala Indonesia ram Lombok thliarkara lirnghing avangin mi 82 an thi a, mi tam takin hliam an tuar.

He lirnghing inţanni hi Lombak thliarkar hmar lam Loloan bul lei hnuai km 31-a thukah niin an sawi a, lirnghing nat zawng hi 6.9 magnitude a ni. A tir chuan United States Geological Survey hian lirnghing nat zawng hi 7 magnitude a ni e, a ti a, a hnu-ah 6.9 magnitude zawk a ni e, a ti leh a. 6.9 magnitude-a lir a nghin hnu hian 5.4 atanga 4.3 magnitude velin a sâwi leh bawk a ni.

July ni 29 khan he thiarkarah bawk hian lir 6.4 magnitude-a na a lo nghing tawh bawk a, mi 12 aia tam an thi a, tlangkang ena tlanglawn mi eng emaw zat pawh tlangah chhanchhuah ngai khawpin an tangkhang nghe nghe a nih kha.

Indonesia thuneitute chuan lirnghing avang hian tuifawn sang tak tak (Tsunami) awm thei tur angin an puang a, ralkhel dar an vua a, rei lote hnuah an thupuan hi an leh a ni.

Indonesia ram hi thliarkar tam tak awmkhawmna ram (archipelago) a ni a, Pacific Ring of Fire an tih chunga innghat a ni a, lir a nghing zing hle a, tlangkang pawh a tam hle a ni. He Pacific Ring of Fire, lirnghing kawng hi km 40,000 lai a thui a ni a, Indonesia ram atangin Japan ram kaltlangin Pacific tuifinriat ral lehlam California thleng rawk a awh a ni.

Courtesy; BBC & CNN

About Mizo Archive

I'm the one who collect the best writings of Mizos
Aside | This entry was posted in World News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s