Engvangin nge kohhran hian politik a khalh ngil theih loh by Lalremliana Pachuau

Mi tin fuankhawmna kohhran hian kan rama politik thli chhe êm êm tleh thang huam hi tlenfai turin thiltihtheihna reng reng a nei lo hi Pathianin nâ a tih ka ring ţhin!

Kan biak Pathian hi rinawm lo, hleprûk hmang, duham uchuak, mahni inhmangaih bur, itsik hmang niawm tak a ni tlat! A betu tam zawkte nunphung chu hengte hi a nih miau avangin.

Kohhran leh sawrkar kalkawp dik tluka ram duhawm a awm ngai loh laiin politika inhnamhnawihna reng nei lo lena lêng a tam zawk kan nih laiin kan vaiin pokitik hian min kaihhnawih vek a ni si.

Khawvelah Mizote tluka piangthar zim, kohhran zim, Pathian be zim hi kan awm leh tawh chuang lovang. Kan piantharna hian biak in leh a chhehvela mite hmuhah bak nun a nei lova.

Kan Pathian biakna pawh biak in leh a chhehvelah a tawp der a. Kohhran mi lah chuan vantlang zingah a kohhran mi nihna a lantir thei der bawk si lo. Zahthlak taka nung mek kohhran kan nihna hi pawm a hun e.

Chikmi tân kan ram chhiatzia, kan pawlitik bawlhhlawhzia, mimir thinlung duham khawlohzia hi hai rual a ni lo. Chu taka chu kohhran hmuh hreh ber mai a ni si!

Kohhran kan han tih taka chu a inhmang tam ber hi an ni. Heng mite hian he nun khawlo laka fihlim bik emaw an inti tlat bawk si. A fihlim lo ber ber an nih si avangin an nihna tarlan chu an tân ngam rual a ni lo.

Kohhran Upa zawng zawng, ţhalai hruaitu, nu leh pa pawl hruaitute hian dik taka ram hruaitu thlang ngam tura thu an sawi chamchi a hun tawh a nih zawk laiin a teuh hian a hnai si lo.

Khalh ngil dawn ta se inkhawmpui senso sawrkar dil mi a ni ngai tawh lovang a. Pawl inhlawhna sihhmuh beisei chi a ni kumkhua tawh bawk hek lovang. Contract lo thawh ve chawtte pawh a rem ngai tawh dawn loh avangin kohhran hian tun ang chuan politik a khalh ngil ngai dawn lo a ni e.

About Mizo Archive

I'm the one who collect the best writings of Mizos
Aside | This entry was posted in Fifth Column and tagged , . Bookmark the permalink.

1 Response to Engvangin nge kohhran hian politik a khalh ngil theih loh by Lalremliana Pachuau

  1. K.Lalrinmawia says:

    A van dik tak em

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s