US-IN RUSSIA HREMNA TIANG A LEK LEH TA: UK-IN AMERICA HMALAKNA A THLAWP BURUS-IN RUSSIA HREMNA TIANG A LEK LEH TA: UK-IN AMERICA HMALAKNA A THLAWP BUR

US chuan Russia hremna tur thupek thar a tichhuak leh ta. UK-ah Russian military spy 2 te chuan London bul, Salisbury hmunah, Russian spy hlui Col. Sergei Skirpal leh a fanu Yula chu “Navichok” tur hmangin hrai hlum tumin an bei tih a ni. He thil vangin London leh Moscow inkar boruak a chhhe hle a, UK lamin hemi titua an puh Russian spy 2 chu thu zawhfiah turin, UK-ah thawn turin Russia an phut a, Russia erawhin hetiang puhna hi nasa taka phain, “joint investigation” an phut thung. UK lahin joint investigation tih tur an ti duh si lo.

Salisbury hmuna Sergei Skripal te pafa Novichok hmanga hrai an ni tih, UK Police ten an finfiah hnuah US chuan a ram chhunga Russian Embassy a hnathawktu mi 60 a lo hnawt chhuak tawh a ni. Tun tuma US hremna turah chuan, ni 90 chhungin, International Inspection Team ten Russian Scientific and Security Facilities hmunahte chuan Novichok tur leh chemical & biological weapons dang, International Law bawhchhiain a lo siam nge nge siam loh enfiahna turte niin, he hremna thar hi Aug 22 atanga hman tur a ni. Russia erawhin a remtih hmelin alang lo.

US chuan Russian Diplomat te US ah, Aeroflot flights hmanga an tum theihna ang pawh a tihtawp sak ang. US leh Russia inkar boruak pawh a tha hlei thei dawn lo ve!

Hetih lai hian US-EU ramten kum 2014 a Russia-in Ukraine atanga Crimea a chhuhsak vanga hremna kal zel chu chhanlet nan President Vladimr Putin thupek angin, West ram atanga Apple leh Tomato leh ei tur dang lakluh tons 370 vel chu Russia chuan bulldozers hmangin a chil chhiat tir vek a ni. Mahse, Russian zingah an sorkar sawiseltu an tam vangin, online petition ziaktute hi mi maktaduai tel an nih vangin, hetianga West ram atanga ei tur lakluh tihchhiat leh dan chahna hi tih tawp a ni thuai mai thei. Kum 2015 ah Putin a thupek chu 2019 ah tawp tur a ni.

PM Dmitry Medvedev chuan, Apple te chu Poland ah an thar chhuak teuhva, a hrisel tha tha tha eiin, a thalo apiangin Russia ah an thawn lut tiin, a sawi kher a, Poland’s Agricultural Ministry chuan, hetianga puhna phain, “EU standards ang thlap a, chin leh enkawlna hnuaiah Apple hi thar chhuah a ni” an ti. Tomoto te hi Turkey ram atanga lakluh a ni thung a, Turkey hi EU member ni lo mahse, NATO member a ni.

Author: CT Lalrinawmaᅠ ᅠ

About Mizo Archive

I'm the one who collect the best writings of Mizos
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s