PRISM TEN DISTRICT THAR SIAM DAWN LO

No. PRISM/VI/2018-19/46 Date: 03.08.2018

DISTRICT THAR SIAM DAWN LO

Aizawl 10nd August, 2018: PRISM Party in District thar a siam loh tur thu sawi chian a ni a. Party chhinchhiahna tur thlan fel a ni bawk.

Vawiin hian PRISM Party Central Committee chu thukhawmin Mizorama District thar siam chungchanga party ngaihdan sawi nawn niin sorkar sum dinhmun leh mamawhna te en mil chungin District thar siam loh tura PRISM Administrative Reform Policy-a tarlan tawh sawi lan nawn a ni a. Hemi rual hian khawpui tinah, a mi cheng ten an duh anih chuan, municipal din tura ruahmanna pawh sawi lan nawn a ni a. Dan-in a phalsak angin inthlanpui lo awm tura party chhinchhiahna tur thlan fel a ni a. He party inthlan chhinchhiahna tur hi August ni 14, 2018 khian party registration lawmna inkhawmah tlangzarh tura tih a ni. Political Affairs Committee te, Nomination Committee leh Office Bearers meeting ten hmalak dan tur ruahmanna a siam te pawm a ni bawk.

PRISM chuan Kristianna hi a tha bik a ni tih lantir a, kan Pathian chawimawi tur te; kan chhehvel hnamte aia ropui zawk kan nih lantir tur te; Zohnahthlak (Zofa) te inpumkhatna atana kan unaute hipkhawm tur tein- Mizorama ram ralmuang, dik leh fel taka ro inrel, hna nei lo awm lohna, mi hrisel leh hlim chenna, ram hausa, hnam dangten tlawh an chak ram dinpui atan mi tin kan sawm che u a ni.

Tun hi duhthlanna hun a ni e.

Sd/-
(EDDY ZOSANGLIANA COLNEY)
General Secretary i/c Information & Publicity

About Mizo Archive

I'm the one who collect the best writings of Mizos
Aside | This entry was posted in Zoram Politics and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s